ФИФА миллий терма жамоалар учун навбатдаги рейтингни эълон қилди. Унга кўра Ўзбекистон терма жамоаси бир ўрин пастлади ва 59-ўринни эгаллади.
Осиё қитъасида Япония ҳамон етакчилик қилиб турибди. Кунчиқар юрт вакиллари 37- ўринда қайд этилган. Ундан кейин эса 6 поғона пастлаган Австралия 46-ўринда бормоқда.
Эрон бир ой аввал ҳам ўзига тегишли бўлиб турган 52-ўринда қолган. Жанубий Корея эса 13 ўринга пастлаган ва 56-ўрин билан қитъада тўртинчи ўринга тушиб қолган.
Ўзбекистон терма жамоаси эса бир поғонага қуйига тушган ва 59-ўринда турибди.
Шу ўринда таъкидлаб ўтиш лозим, ЖЧ саралашида ҳамюртларимизга қаршилик қиладиган Иордания терма жамоаси ўтган ойдагига қараганда беш поғонага юқорига кўтарилган ва 71-ўрин билан Осиё қитъасида олтинчи жамоа бўлиб турибди.
1. Испания 1484 2. Германия 1257 3. Колумбия 1219 4. Аргентина 1210 5. Голландия 1165 6. Италия 1142 7. Португалия 1099 8. Хорватия 1098 9. Бразилия 1089 10. Белгия 1079 37. Япония 695 46. Австралия 630 52. Эрон 601 56. Жан. Корея 594 59. Ўзбекистон 566 (-1) 71. Иордания 495.
Тўлиқ рейтинг билан қуйидаги ҳавола орқали танишиб олишингиз мумкин.
