| Статистика |
Hozirda saytda: 41 Mexmonlar: 41 Foydalanuvchilar: 0 |
|
Главная » 2013 » Fevral » 22 » Ўзбекистон аҳолининг интернетлашуви бўйича Марказий Осиёда учинчи бўлди
20:12 Ўзбекистон аҳолининг интернетлашуви бўйича Марказий Осиёда учинчи бўлди |
Тожикистон ва Туркманистон Марказий Осиёнинг энг кам интернетлашган мамлакатлари деб топилди. Бу каби маълумотлар Internet World Stats (IWS) томонидан тақдим этилган.
IWS маълумотларига кўра, Тожикистонда интернетнинг кириб борганлик даражаси 13 фоизни ташкил этади – мамлакат аҳолиси сони 7,7 миллиондан ортиқ бўлгани ҳолда, уларнинг фақат 1 миллион нафардан ортиғи интернетдан фойдаланади (Тожикистон расмий маълумотларига кўра, 2013 йил бошида мамлакатда интернетдан фойдаланувчи аҳоли сони 3,7 миллионга етган). Аҳолиси 5 миллиондан кўпроқ бўлган Туркманистонда эса, IWS маълумотларига кўра, интернет-фойдаланувчилар сони 252 мингдан ошади, холос (5 фоиз).
Ушбу кўрсаткич бўйича, Тожикистон Осиё мамлакатлари орасида 25-ўринни эгаллаб турган бўлса, Туркманистон 31-ўриндан жой олган. Марказий Осиё мамлакатлари орасида энг юқори кўрсаткич Қозоғистонда – 11-ўрин; Қирғизистон 13-ўринда бўлса, Ўзбекистон 17-ўринда.
Қозоғистонда аҳолининг 45 фоизи интернетдан фойдаланса, Қирғизистонда бу кўрсаткич 39,9 фоизга тенг. IWS маълумотларига кўра, 2012 йилнинг 30 июнь ҳолати бўйича, Ўзбекистон аҳолисининг 30,2 фоизи (8,57 миллион нафардан ортиқ) интернетдан фойдаланади.
Ўзбекистон Алоқа, ахборотлаштириш ва телекоммуникация технологиялари давлат қўмитаси маълумотларига кўра, 2013 йилнинг 1 январь ҳолатига кўра Ўзбекистондаги интернет фойдаланувчилари сони 9,8 миллиондан ошган. Айни вақтда, аҳолини тармоқ билан қамраб олиш даражаси 71 фоизга етган.
IWS ўз маълумотларини Nielson Online, Халқаро электроалоқа иттифоқи ва бошқа ишончли манбаларга асосланиб тайёрлаган. Мамлакатларнинг аҳолиси сони тўғрисидаги кўрсаткичлар эса АҚШ Аҳолини рўйхатга олиш бюроси маълумотларига асосан тайёрланган
|
|
Категория: Dunyo xabarlari |
Просмотров: 778 |
| Рейтинг: 5.0/51 |
Добавлять комментарии могут только зарегистрированные пользователи. [ Регистрация | Вход ] |
|
|
