| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Aprel » 15 » WhatsApp ўзининг бир миллиардга Google сотилиши ҳақидаги хабарларни рад этди
01:05 WhatsApp ўзининг бир миллиардга Google сотилиши ҳақидаги хабарларни рад этди |
Машҳур мобил чат дастури – WhatsApp’нинг ишлаб чиқувчилари дастурни бир миллиард доллар эвазига Google’га сотилиши тўғрисидаги хабарларни рад этишди. Бу ҳақда Cnet.com хабар бермоқда.
Аввалроқ, Digital Trends интернет нашри, исми ошкор этилмаган, бироқ компанияларнинг режаларидан бохабар бўлган манбага асосланиб, Google ва WhatsApp тўрт ёки беш ҳафтадан бери музокаралар олиб бораётгани тўғрисида хабар тарқатган эди.
AllThingsD интернет-нашри WhatsApp’нинг бизнес бўлими раҳбари Нираж Арора (Neeraj Arora)га асосланиб хабар беришича, дастур ишлаб чиқувчи компания интернет-гигант билан музокаралар олиб бормаган, бироқ Нираж Арора бошқа тафсилотлар билан ўртоқлашмади.
2009 йилда асос солинган компания Android, BlackBerry, iOS, Symbian ва Windows платформаларида ишлайдиган қурилмалар учун хабар, сурат ва видео алмашиш имконини берадиган дастурни ишлаб чиққан. WhatsApp вакилларининг берган маълумотларига кўра, дастурдан кунлик фойдаланувчилар сони 100 миллиондан ошган бўлиб, улар жаҳоннинг 250 мамлакатида истиқомат қилишади.
Бунгача ҳам WhatsApp’нинг сотилиши тўғрисида миш-мишлар тарқалган эди. Ўтган йилнинг декабрь ойида Facebook илова-дастурни сотиб олиши ҳақида TechCrunch хабар тарқатган эди. Бироқ кейинроқ WhatsApp бу хабарларни «миш-миш» деб баҳолаган эди.
Фойдаланувчилар ҳар куни WhatsApp орқали миллиардга яқин хабарларни жўнатишади. 2012 йилнинг 31 декабрь куни WhatsApp учун рекорд натижа қайд этилган – шу куни 18 миллиард хабар жўнатилган.
|
|
Категория: Dunyo xabarlari |
Просмотров: 725 |
| Рейтинг: 5.0/4 |
Добавлять комментарии могут только зарегистрированные пользователи. [ Регистрация | Вход ] |
|
|
