Jiddiy harakatlar ila... Shirinovoz xonanda Umar Shamsiyev Eldor Qayumov so'zi va musiqasi ila "Zir-zir" hamda Nodir Azimov so'zi, Iqbol Muhammad musiqasi ila 8-mart xalqaro xotin-qizlar bayramiga atab "Ayol" deb nomlangan taronalarni kuylab o'tdi. Bundan tashqari Umar Shamsiyev bahor faslining ilk kunlari, ya'ni 10-mart soat 15:00 va 19:00da Turkiston saroyining qishki binosida "Bahordan salom" deb nomlangan konsert dasturi bilan barcha ona, opa va singillarimizni shodiyonalari bilan tabriklashni niyat qilgan. Ha aytgancha, shu o'rinda Umar Shamsiyevni yana bir bor ota bo'lgani bilan, ya'ni xonadonlarida o'g'il farzand tug'ilgani bilan ijodiy jamoamiz nomidan muborakbod etamiz. Imronjon ismli ushbu farzand katta bo'lganida ota izidan ketsa ajab emas.
