Бундан икки кун муқаддам "Актобе" клуби ҳимоячиси Эмил Кенжисариев номаълум кимсалар билан жанжалда оғир жароҳат олиб, касалхонага тушиб қолган эди. Футболчи икки марта жарроҳлик амалиётидан ўтди ва айни вақтда аҳволи анча жиддий.
Қозоғистон сайтларида шу муносабат билан аввал бўлиб ўтган жанжалли воқеалар ёдга олиб ўтилган. Ушбу воқеалардан бирида Улуғбек Бақоев ҳам иштирок этган.
"2012 йилнинг апрелида, тунги вақтда Павлодардаги ресторанлардан бирида "Иртиш" клуби футболчилари ва бошқа мижозлар ўртасида жанжал келиб чиққан. Жанжалда футболчиларга рақобатда бўлганлар кўпчиликни ташкил қилганлар ва "Иртиш" футболчиси Антон Чичулиннинг юз суяги синиб, оғир жароҳат олган. Унинг даволаниши учун икки ой вақт лозим бўлди.
Ўша жанжалда Чичулин билан бирга Улуғбек Бақоев ҳам иштирок этганди. Аммо Улуғбек фақат бир неча арзимас лат ейишлар билан чекланган", - дейилади жанжалларга бағишланган мақолада.