Главная » 2013 » May » 16 » Ucell "Asia Communication Awards 2013" мукофотига даъвогар
00:26
Ucell "Asia Communication Awards 2013" мукофотига даъвогар
Ucell мобил оператори Asia Communication Awards 2013 нуфузли мукофотининг "Йил оператори” номинацияси номзодлари рўйхатидан ўрин олди.
Asia Communication Awards мукофоти алоқа соҳасининг йирик мустақил совринларидан бири ҳисобланади. Осиё телекоммуникация компаниялар ва менежерларига инновация соҳасидаги ютуқлари, самарадор маҳсулотлар ва хизматлар тавсияси билан индустрия тараққиётига қўшган ҳиссалари учун мазкур мукофот билан тақдирланадилар.
Ўтган йил "Йил оператори” номинациясида GSM тармоғининг Филиппиндаги 47.7 млн. абонент аъзолари билан Smart Communications, Inc. (Smart) компанияси ғолибликни қўлга киритган эди.
"Ucell бугунги кунда Ўзбекистоннинг етакчи телекоммуникацион компаниясига айланди. Компания нуфузини кўтариш мақсадида қилаётган ҳаракатларимиз – тармоқни ривожлантириш ва сифатли хизмат кўрсатиш борасидаги инновацион қарорларимиз юксак баҳоланиб, соҳанинг энг обрўли мукофоти совриндори бўлганимиздан хурсандмиз”, – дейди Ucell Бош директори Али Аган.
Ucell билан биргаликда "Йил оператори” номинациясига Smart Communications (Филиппин), StarHub (Сингапур), Telstra Global (Австралия) ва Unitel (Монголия) каби бир қатор компаниялар ҳам номзод бўлдилар. Asia Communication Awards 2013 мукофоти ғолиблари 2013 йил 20 июнда эълон қилинади.
