| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Fevral » 26 » Тўйларда хизмат қилган санъаткорларга долларда пул тўланмаслиги ҳақида хабар берилди
22:19 Тўйларда хизмат қилган санъаткорларга долларда пул тўланмаслиги ҳақида хабар берилди |
Фаррух Зокиров Райҳон ва Йигиталининг никоҳ тўйи маросимида © darakchi.uz
Ўзбекистондаги тўйларда хизмат кўрсатган санъаткорларга долларда гонорар тўлашга чек қўйилди. Бу ҳақда хабар бераркан, Shov-shov.uz сайти буни санъаткорларни тўйга таклиф этувчи мижозлар учун «хушхабар» сифатида баҳолаган.
Интернет-нашр тўйлар ва уларда санъаткорлар билан ҳисоб-китоб қилишга доир бошқа тафсилотларни маълум қилмаган; долларда ҳисоб-китоб қилишга чек қўйиш ҳақида расмий буйруқ бўлганми ёки бу санъаткорларнинг ўзидан чиққан ташаббусми – бунга ҳам аниқлик киритилмаган.
Маълумот ўрнида, Ўзбекистон Президентининг 24 январдаги Қарорига асосан, мамлакат ҳудудида чакана савдо ва хизмат кўрсатиш соҳасида нақд хорижий валюта билан ҳисоб-китоб йўл қўйилмаслиги белгилаб қўйилганди. Кейинроқ, Ўзбекистон тижорат банкларида нақд хорижий валютани сотиш бекор қилинганидан сўнг, Марказий банк алоҳида ахборот бериб, «Ўзбекистонда ишлаб чиқарилган автомобилларни ва авиачипталарни банк тўлов карточкаларидан фойдаланган ҳолда чет эл валютасида сотиб олиш тизими ўз кучини сақлаб қолгани»ни маълум қилганди.
Қайд этиш жоиз, Ўзбекистон Вазирлар Маҳкамаси 2001 йил 29 июнида гастроль-концерт фаолияти соҳасида солиқ солишни такомиллаштириш чора-тадбирлари тўғрисида қарор имзолаган бўлиб, унга кўра никоҳни қайд этиш, ош бериш, кечқурунги никоҳ тўйи, «келин салом», «чарлар», «суннат тўйи» тадбирларида хизмат кўрсатиш учун санъаткорлар, тегишли рейтинг гуруҳига асосан, йилига энг кам иш ҳақининг 15 бараваридан (энг охирги, тўртинчи рейтинг гуруҳига кирган санъаткорлар) 100 бараваригача (биринчи рейтинг гуруҳига кирган санъаткорлар) давлат божи тўлашлари керак.
Shov-shuv.uz’нинг 2009 йилги тадқиқоти маълумотларига кўра, ўша вақтда энг қиммат гонорар 10 минг доллар ҳисобида Юлдуз Усмоновага тўланган бўлса, Озод Назарбековга 6 минг доллар ҳақ берилган. Ҳар иккала санъаткорнинг тўйда бирров кўриниши учун мос равишда 2 минг ва 1,2 минг доллар тўланиши керак бўлган.
Тўйга «бирров»га борадиганлар орасида хизмат ҳақи Райҳонда 800-1000 доллар, Сардор Раҳимхонда 600 доллар, Манзурада 600 доллар, «Божалар»да 600 доллар, Зиёдада 500 долларга тенг бўлган
|
|
Категория: O'zbek yulduzlari |
Просмотров: 938 |
| Рейтинг: 5.0/4 |
Добавлять комментарии могут только зарегистрированные пользователи. [ Регистрация | Вход ] |
|
|
