Главная » 2014 » Aprel » 3 » Turkiya Konstitutsion sudi Twitter’ni blokdan chiqarish haqida qaror qabul qildi
07:55
Turkiya Konstitutsion sudi Twitter’ni blokdan chiqarish haqida qaror qabul qildi
Туркия конституцион суди 2 апрель, чоршанба куни мамлакат ҳукуматининг Twitter микроблоглар хизматини блок қилиш ҳақидаги қарорини қонуний кучга эга эмас деб топди.
Туркиянинг Hurriyet газетаси сайти берган хабарга кўра, суд 20 март куни блок қилинган сервисга киришни очиб қўйиш белгиланган қарорни қабул қилган.
Суд қарорини бажариш учун Туркия ҳукуматида 30 кун муддат бор, бироқ Туркия ҳуқуқшунослар уюшмаси Метин Фейзиоглунинг сўзларига кўра, Twitter’га нисбатан блок зудлик билан бекор қилиниши шарт. “Twitter’нинг блок қилиниши ўн миллионлаб одамларниннг ҳуқуқ ва эркинликларини поймол қилади”, – дейди ҳуқуқшунос.
Twittter Туркиядаги сайловолди кампанияси доирасида пайдо бўлган коррупцион можаролари оқибатида блок қилинган эди.
Февраль ойида YouTube’да худдики Туркия бош вазири Ражаб Тойиб Эрдўған ўз оила аъзолари билан миллион долларларни яшириш йўлларини муҳокама қилаётгани ёзилган аудиофайллар пайдо бўлди. Эрдўған бу ёзувларни қалбаки деб атади.
Туркиядаги муниципал сайловларга бир неча кун қолганида Twitter микроблоглар хизмати ва унга қўшимча тарзда YouTube видеохостинги блок қилинди. YouTube’га киришнинг тўсилишига унда турк расмийларининг Сурияга қўшин киритишни муҳокама қилаётгани билан боғлиқ аудиоёзувларни эълон қилингани сабаб бўлди.
Коррупция можароларига қарамай, 30 март куни бўлиб ўтган маҳаллий ҳокимлик органларига сайловларда Эрдўған ўзининг Адолат ва тараққиёт партияси ғолиб чиққанини эълон қилди. Айни вақтда, у сайловдан сўнг партиянинг Анқарадаги бош қароргоҳида ўз тарафдорларига мурожаат қиларкан, унинг обрўсини туширишга ва уни ҳокимиятдан четлатишга ҳаракат қилган рақиблари бунинг учун “жавоб беришлари”ни айтиб ўтди.