Главная » 2013»May»4 » Турк юлдузи Мустафо Сандал Ўзбекистонда
17:33
Турк юлдузи Мустафо Сандал Ўзбекистонда
Турк эстрада хонандаси Мустафо Сандал 2013 йил 4 май куни Тошкент шаҳридаги Туркистон санъат саройининг ёзги майдонида ўз концерт дастурини тақдим этади.
Ушбу концерт Туркия Республикаси Бош вазир девони ҳузуридаги Танитиш Фонди (Promotion Fund), Туркия Республикаси Маданият ва туризм вазирлиги ҳамда "Ўзбекистон маданияти ва санъати форуми” жамғармаси ҳамкорлиги ва кўмагида амалга оширилмоқда. Бу ҳақда элчихона матбуот хизмати хабар беради.
Мустафо Сандал Тошкент шаҳрида берадиган концертидан сўнг Ўзбекистон Республикасида ўтказиладиган нуфузли фестиваллардан ҳамда "Ўзбекистон маданияти ва санъати форуми” жамғармасининг энг муҳим ва йирик лойиҳаларидан бири бўлган "Асрлар садоси” олтинчи анъанавий маданият фестивалида меҳмон сифатида қатнашади ва фествал бўлиб ўтадиган Навоий вилоятида кичик бир концерт дастурини намойиш этади.
Ушбу концерт дастурини амалга оширилишида кўмак берган "Ўзбекистон маданияти ва санъати форуми” жамғармаси раҳбарияти ҳамда бошқа ташкилотчиларга ўз миннатдорчилигини билдирган Туркия Республикасининг Ўзбекистон Республикасидаги элчихонаси Маданият ва туризм масалалари бўйича маслаҳатчиси Жихан Варлик, Мустафо Сандалнинг Ўзбекистондаги концерт дастурини икки қардош мамлакат ўртасидаги маданий алоқаларни яна ҳам ривожлантиришда муҳим аҳамият касб этишини таъкидлади.
