Главная » 2013 » May » 5 » Тожикистонга юк ташувчи ҳайдовчилар диққатига
03:10
Тожикистонга юк ташувчи ҳайдовчилар диққатига
Тожикистон Республикасидаги айрим автомобил йўлларида транспорт воситаларининг ўқларига тушадиган юк ва оғирликларига нисбатан мавсумий чекловлар жорий этилди.
Шу муносабат билан Ўзбекистон автомобил ва дарё транспорти агентлиги автомобилда халқаро юк ташиш фаолияти билан шуғулланувчи маҳаллий корхоналарга мурожаат қилиб, Тожикистон Республикаси ҳудудига юк олиб киришда ва ундан транзит юк олиб ўтишда ушбу талабларни инобатга олишларини сўраган.
Тожикистон Республикаси ҳукуматининг "Умумий фойдаланишдаги автомобил йўллари бўйлаб ҳаракатланишда транспорт воситаларининг ўқларига тушадиган юк ва оғирликларига мавсумий чекловларни ўрнатиш тўғрисида”ги қарори билан ҳар йили 1-майдан 31-августга қадар кундузги ҳарорат 25 даражадан юқори бўлган вақтда Тожикистон Республикасидаги айрим автомобил йўлларида транспорт воситаларининг ўқларига тушадиган юк ва оғирликларига нисбатан чекловлар жорий этилади.
"Транспорт воситалари ҳаракатланганда уларнинг ўқларига тушадиган юк ва оғирликларига мавсумий чекловлар ўрнатиладиган умумий фойдаланишдаги автомобил йўллари номлари” ҳамда "Умумий фойдаланишдаги автомобил йўллари бўйлаб мавсумий чекловлар пайтида ҳаракатланишда транспорт воситаларининг ўқларига тушадиган юк ва оғирликлар бўйича рухсат этиладиган кўрсаткичлар” билан бу ерда танишиб олишингиз мумкин.
