| Статистика |
Hozirda saytda: 28 Mexmonlar: 28 Foydalanuvchilar: 0 |
|
Главная » 2013 » Fevral » 26 » Тошкентнинг «Локомотив»и яна бир терма жамоа аъзоси билан шартнома имзолади
22:39 Тошкентнинг «Локомотив»и яна бир терма жамоа аъзоси билан шартнома имзолади |
Шавкат Муллажонов © lokomotiv.uz
Voqea:
Трансферлар
Ўзбекистон миллий терма жамоаси ҳимоячиси Шавкат Муллажонов Тошкентнинг «Локомотив» клуби билан шартнома имзолади. Бу ҳақда «Локомотив» расмий сайти хабар бермоқда.
Клуб расмий сайтидаги хабарда Муллажонов жамоа билан қанча муддатга шартнома имзолагани, шартнома шартлари ҳақида, шунингдек, футболчи Тошкент клубига қандай мақомда ўтгани ҳақида маълумот берилмаган. Футболчи сўнгги бир йилни Саудия Арабистонининг «Ан-Наср» клубида ўтказган эди.
27 ёшли футболчи фаолияти давомида Зарафшоннинг «Қизилқум», Тошкентнинг «Пахтакор», Олмалиқнинг «Олмалиқ», Қатарнинг «Ал-Аҳли» жамоаларида тўп сурган. 2010 йилнинг августидан бери миллий терма жамоа аъзоси ҳисобланган футболчи Осиё Кубоги-2011 финал босқичи, ЖЧ-2014 саралаш баҳслари, шунингдек, ўртоқлик учрашувлари доирасидаги 20 ўйинда майдонга тушган.
ЎзПФЛ расмий сайтининг ёзишича, жамоа шу кунгача Санжар Турсунов («Алания», Россия), Виктор Карпенко, Руслан Мелзиддинов (иккиси ҳам – «Бунёдкор»), Иван Нагаев, Салим Мустафоев (иккиси ҳам – «Динамо»), Жасур Ҳасанов («Бухоро»), Павел Смоляченко («Нефтчи»), Фарҳод Тожиев («Шўртан») каби футболчилар билан шартнома имзолаган эди. Ушбу футболчиларнинг барчаси ўз вақтида миллий терма жамоа сафида майдонга тушган.
Олий Лиганинг 2012 йилги мавсумини бронза медаллар билан якунлаган Тошкентнинг «Локомотив» жамоаси 2013 йилги мавсумда Ўзбекистон чемпионлиги учун энг асосий номзодлардан бири сифатида қайд этилмоқда. Янги мавсум ўйинлари 2 март куни старт олади, «Локомотив» эса ўзининг илк ўйинини 4 март куни ўтказади. Шу куни «темирйўлчилар» Тошкентда «Бухоро»ни қабул қилишади.
|
|
Категория: Sport yangiliklari |
Просмотров: 647 |
| Рейтинг: 5.0/3 |
Добавлять комментарии могут только зарегистрированные пользователи. [ Регистрация | Вход ] |
|
|
