Агентликнинг тасдиқлашича, ушбу ичимлик Тошкентдаги энг йирик Korzinka.uz савдо тармоғи дўконларида йўқолган. Бироқ, компания вакилларининг Kun’га берган маълумотига кўра, ичимлик дўконларда бор ва сотилмоқда. Жумладан, бу ҳақдаги ахборот дўкон сайтида ҳам жойлаштирилган.
Megaplanet гипермаркетида эса Coca-Cola тақчиллиги сабаб ичимликни сотишга лимит қўйилган – бир кишига бир блокдан кўп Coca-Cola сотилмаяпти.
Megaplanet’дагиларнинг изоҳ беришича, ичимлик тақчиллиги «заводнинг вақтинча ёпилгани» билан юзага келган. Coca-Cola Ichimligi Uzbekistan вакили Kun’нинг мурожаатига жавоб бераркан, завод ёпилгани тўғрисидаги хабарни тасдиқламади ҳам, инкор ҳам қилмади, шу билан бирга, бу каби саволларга фақат расмий ёзма мурожаатдан кейин жавоб берилишини маълум қилди.
Coca-Cola Ichimligi Uzbekistan LTD компанияси Ўзбекистондаги фаолиятини 1993 йилда бошлаган бўлиб, корхонанинг расмий очилиши маросими 1994 йил мартида бўлиб ўтган. 1997 йилда Наманган ва Урганч шаҳарларида компания заводлари қурилган. 1998 йили Тошкентнинг Бектемир туманида қурилган мегазавод ўз вақтида Coca-Cola ишлаб чиқариш бўйича Ўрта Осиёдаги энг йирик завод бўлган.
