Главная » 2014 » Oktyabr » 28 » Toshkent viloyatida ikki do‘st zo‘ravonlartomonidan qonga belandi
07:28
Toshkent viloyatida ikki do‘st zo‘ravonlartomonidan qonga belandi
Ota-onasidan xabar olgani ketayotgan kishi do‘stini uchratib, uni ham mashinasiga taklif qildi. Haydovchi do‘stining do‘kondan non olishi uchun Toshkent viloyati Parkent tumani Xisorak qishlog‘ida avtomobilni to‘xtatganida, muqaddam zo‘ravonlik qilib sudlangan shaxs ularning yo‘lini to‘sdi. Bu haqda O‘zbekiston Ichki ishlar vazirligining “Postda” gazetasi xabar bermoqda. Parkent tumani. Arxiv. Foto: parkent- tum.toshvil.uz Zo‘ravon yigit “Bu mening hududim, tezda tuyog‘ingni shiqillat”, — deya o‘dag‘aylab, eshik oldidagi tayoqni olib, avtomobil egasining yuziga tushirdi. Ikki do‘st janjal bo‘lishi mumkinligini anglab, mashinani o‘t o‘ldirib, jo‘nab ketdi. Do‘sti aytgan manzilga kelishganida, ularning ortidan yetib kelgan ikki mashinadagi bir guruh yigitlar avtomobillaridan tushib, do‘stlarni do‘pposlay ketdi. Kimdir mashinani boshqargan do‘stning boshiga temir bo‘lagi bilan urishi bilanoq qolgan zo‘ravonlar ham uni tepkilay ketdi va ikki do‘stni behush holda qoldirib, voqea joyidan yashirindi. Do‘stlar hamqishlog‘i tomonidan qonga belangan holda topilib, zudlik bilan tuman shifoxonasiga olib ketildi. Biri o‘ziga kelgach, voqeani aytib bergan bo‘lsa, ikkinchisining tan jarohati og‘ir bo‘lib chiqdi. Shunga qaramay, shifokorlarning sa’y-harakatlari bilan ikkala do‘stning hayoti saqlab qolindi. Tergov jarayonida janjalni boshlagan, avval ham qamalgan zo‘ravon aybini tan olmadi. Biroq guvohlarning ko‘rsatmalari uning qilmishini tasdiqlab berdi.