Главная » 2013 » Fevral » 16 » ТОШКЕНТ ЭНДИ ЯНАДА ЁРҚИН: ТУНГИ ЁҒДУ УЧУН 36 МИЛЛИОН ДОЛЛАР КРЕДИТ
09:18
ТОШКЕНТ ЭНДИ ЯНАДА ЁРҚИН: ТУНГИ ЁҒДУ УЧУН 36 МИЛЛИОН ДОЛЛАР КРЕДИТ
Ислом Тараққиёт Банки директорлар кенгаши Тошкентни ташқи ёритиш самарадорлигини ошириш учун 36 миллион доллар миқдоридаги кредитни ажратиш режасини тасдиқлади. Лойиҳани Тошкент шаҳар ҳокимияти Toshshaharnur ДУК амалга оширади. Лойиҳа мақсади Тошкент шаҳрини ташқи ёритиш тармоқларида энергосамарадорликни оширишдан иборат. Лойиҳани ҳаётга тадбиқ этиш Тошкент кўчаларидаги ташқи ёритиш тизимида электр қувватидан бесамар фойдаланишга чек қўйиш, электр қуввати билан боғлиқ СО2 чиқиндиларини камайтиришга эришиш мумкин. Ундан ташқари, лойиҳа пойтахт кўчаларида ёруғлик даражасини ошириб, ёритиш манбаларининг кўриш учун зарарсизлигига кўмак беради. Эслатиб ўтамиз, дунёнинг 56 та давлатини бирлаштирган ИТБга Ўзбекистон 2003 йилда аъзо бўлган. Ҳамкорлик бошланганидан то шу кунгача банк Ўзбекистонга $463,8 млн. ажратган бўлиб, маблағлар соғлиқни сақлаш, таълим, сув таъминоти, ирригация ва мелиорация, коммунал хўжалик, йўл инфраструктурасини ривожлантириш ва кичик бизнесни қўллаб- қувватлаш йўналишидаги 15 та лойиҳани амалга оширишга сарфланган. Жасур ҲАМРОЕВ
