| Статистика |
Hozirda saytda: 38 Mexmonlar: 38 Foydalanuvchilar: 0 |
|
Главная » 2013 » Fevral » 8 » Тошкент аэропортида валютани беркитиб олиб ўтмоқчи бўлганлар ушланди
02:30 Тошкент аэропортида валютани беркитиб олиб ўтмоқчи бўлганлар ушланди |
Хорижга қандай мақсадда
бўлишидан қатъий назар
қуруқ ҳамён билан
чиқилмаслиги аниқ. Лекин, бу
мамлакатимиздаги нақд
хорижий валюталарни
исталганча ташиб кетиш
мумкин дегани эмас.
Амалдаги тартибларга
мувофиқ, республикамизда
резидентларга 2000 АҚШ
доллари эквивалентидаги
нақд хорижий валютани
божхона баённомасида ёзма
қайд этиш шарти билан эркин
олиб чиқиб кетишларига
рухсат этилади. Бундан ортиқ
миқдордаги нақд
валюталарни олиб чиқиш
учун эса ваколатли банклар
ёки Марказий банкнинг
ўрнатилган тартибдаги
рухсатномаси талаб этилади.
Юртимиздан чиқиб кетаётган
хорижий фуқаролар эса
кириш чоғида олиб кирган
нақд валюталари миқдорига
тенг валютани олиб чиқиб
кетишлари мумкин.
Мазкур тартиблар ҳақида
батафсил эслатмалар барча
божхона постларининг
баённомаларни тўлдириш
устунларига ўзбек, рус ва
инглиз тилларида илиб
қўйилганига қарамай,
сафарга отланган
юртдошларимиз ва
хорижликлар томонидан нақд
хорижий валюталарнинг
ноқонуний олиб чиқилиши
билан боғлиқ ҳолатлар учраб
турибди. Бу эса сири фош
бўлгач, амалдаги
тартиблардан бехабарлигини
пеш қиладиган
қонунбузарларнинг аслида
божхоначиларнинг кўзини
шамғалат қилишга уриниши
иш бермаганини англатади.
Яқинда "Тошкент-Аэро”
ихтисослаштирилган божхона
комплекси ходимлари
томонидан шу турдаги бир
нечта қонунбузарлик
ҳолатларининг олди олинди.
1. Дубайга йўл олган
пойтахтлик Э.Мавлянов 3500
АҚШ доллари билан
хайрлашишига тўғри келди.
Чунки, у рухсат этилган 2000
АҚШ долларидан ортиқча
бўлган ушбу нақд
валюталарни яширин йўллар
билан олиб чиқишга уринган
экан.
2. Самарқандлик
Б.Улуғмуродов эса Тель-
Авивга парвози олдидан
курткасининг чўнтакларида
"пайдо” бўлиб қолган 4300
АҚШ долларини кўриб
"ёқасини ушлади.”
3. Божхоначилар олдида ер
чизиб қолган бухоролик
М.Халилова яширинча олиб
чиқишга уринган 4700 АҚШ
долларини Истамбулда
қандай қилиб сарфлаш ўй-
ҳаёллари ҳам чиппакка
чиқди.
4. "Тошкент-Москва” рейси
олдидан божхона назорати
чоғида наманганлик
Р.Акбаралиев қўл юклари
орасига яширилган 5400 АҚШ
доллари ҳақида божхона
баённомасида ва оғзаки
сўров пайтида маълум
қилишни гўёки унутиб
қўйибди.
5. "Ўйчи ўйини ўйлагунича
таваккалчи ишини битиради.”
Россия Федерацияси
пойтахтига йўл олган
С.Кравченкога эса ушбу нақл
иш бермади. У оз эмас - кўп
эмас 14 минг 900 АҚШ
долларини чўнтакларига
жойлаганча олиб чиқишга
уринган пайтда
божхоначилар томонидан
тўхтатиб қолинди.
Ҳозирда юқоридаги ҳолатлар
юзасидан божхона
текширувлари ва суриштирув
ҳаракатлари давом
эттирилмоқда. Таъкидлаш
жоизки, ўтган 2012 йилда
"Тошкент-Аэро” ИБК
ходимлари томонидан бошқа
ҳуқуқни муҳофаза қилувчи
идоралар вакиллари билан
ҳамкорликда аниқланган 268
та қонунбузарлик
ҳолатларида салкам 907 млн.
сўм эквивалентдаги нақд
ҳорижий валюталарнинг
ноқонуний олиб ўтилишига
чек қўйилди.
«Тошкент-Аэро» ИБК Ахборот
хизмати
|
|
Категория: Dunyo xabarlari |
Просмотров: 699 |
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
|
|
