Автоолам мутаххассислари автомобиллар тиқинлари энг кўп ва хўб ҳосил бўладиган шаҳарлар рейтингини тузиб чиқишди. 2012 йил якунларига кўра бу салбий рейтинг етакчилигини Россия пойтахти Москва шаҳри эгаллади.
Экспертлар умумий ҳисобда дунёдаги аҳолиси 800 минг кишидан кам бўлмаган 161 йирик шаҳардаги ҳаракатланишни кузатишди. Ҳаракатланишга кўмак берувчи махсус GPS-навигаторларнинг маълумотларига асосан қайта ишланган маълумотлар ўртача ҳаракатланишга нисбатан фоиз ҳисобида қанча кўп вақт йўқотиш кўрсаткичига асосланган.
Маълумотларга кўра, Москва шаҳрида ҳаракатлунувчи машиналар умумий ҳисобда меъёрга нисбатан 66 % кўп вақт сарфлайдилар. Эрталаб бу кўрсаткичи янада ошади ва 106 % га етади, кечқурун эса энг юқори даражага чиқади – 136%.
Бошқача қилиб айтганда тиқинлар туфайли москваликлар бир соатлик йўл учун ортиқча 74 минут сарфлайдилар ва бир йилда камида 127 соат вақтларини автомобиллар орасида йўқотадилар.
Бу борада иккинчи ўринни Истанбул (55%), учинчи ўринни Варшава (42%) эгаллади. Шунингдек ўнликка Марсел (40%), Палермо (39%), Лос-Анжелес (33%), Сидней (33%), Штутгарт (33%), Париж (33%) ва Рим (33%) шаҳарлари ҳам киришган.
