Главная » 2013 » Yanvar » 15 » Тескари ракобат. Ucell хам абонент тўловларини оширди
22:30
Тескари ракобат. Ucell хам абонент тўловларини оширди
Алоқа оператори қатор тарифлар учун абонент тўловлари миқдори оширилгани ҳақида эълон қилди. Компания сайтида хабар қилинишича, 2013 йилнинг 25 январидан эътиборан «Оддий», GAP, «Янада кўп суҳбат», Online ва «Осон ҳисоб» тарифларида абонент тўлови кунига $0,03 цент қилиб белгиланади. Ҳозирда ушбу тарифларда кундалик абонент тўлови $0,02 центни ташкил қилади. Эслатиб ўтамиз, ўтган ҳафтада «Билайн» оператори ҳам кундалик абонент тўловини $0,03 центга оширганди. Ўзбекистон ҳукуматининг қарорига мувофиқ, 2013 йилнинг январидан бошлаб, мобил алоқа хизматини кўрсатувчи юридик шахслар (уяли алоқа компаниялари) ҳар бир абонент рақамидан фойдаланганлик учун тўлов миқдори оширилган ва у 500 сўм қилиб белгиланганди. Бу 2012 йилдаги тўловдан 100 сўмга қиммат дегани. Тўлов ҳар ой охирида аниқланадиган абонентлар сонига қараб амалга оширилади. Тўловдан тушган маблағнинг 70% давлат бюджетига, 30% эса Алоқа, ахборотлаштириш ва телекоммуникация технологиялари давлат қўмитасига ўтказилади.