| Статистика |
Hozirda saytda: 9 Mexmonlar: 9 Foydalanuvchilar: 0 |
|
Главная » 2013 » Mart » 22 » Терма жамоа фан-клуб раисини чипталарни пуллаб юборганликда айблашмоқда
15:37 Терма жамоа фан-клуб раисини чипталарни пуллаб юборганликда айблашмоқда |
Ўзбекистон терма жамоалари мухлислар клуби раиси Абдураҳмон Фозилов футбол сайтларидаги мақола ва янгиликлари остидаги изоҳларда билдирилган баъзи ножўя фикрларга муносабат билдириб ўтди.
Унинг айтишича, гўёки Ўзбекистон-Ливан ўйини учун мухлислар клубига чипталар ажратилгану, лекин у чипталарни аллақачон сотиб юборган.
- Мен терма жамоалар марказига мухлислар клуби учун ўз нархида Тошкент шаҳри аъзоларига 1000та ва вилоятлик аъзолар учун 2000та чипта сўраб мурожаат қилганман. Аммо бу чипталарнинг биттасини ҳам шу кун, яъни 19 март санасигача ҳали олганим йўқ!
Ушбу чипталар олинса, шу заҳоти талабнома юборган барча вилоят мухлислар клуби аъзоларига ушбу чипталарни юбораман ва Тошкент шаҳридаги мухлислар клуби аъзолари учун махсус касса ташкил этиб, бейжик орқали соттираман!
Азизлар, шахсан Ўзбекистон футбол федерацияси президенти Мираброр Усмонов кўмагида сиз мухлислар учун айнан Ўзбекистон ва Ливан учрашувига махсус 60.000та байроқ ва байроқчалар тайёрланди. Ундан ташқари, ҳозирча сюрпиз бўлган анча ишлар амалга оширилди!
Ҳа, чипталар масаласида ҳозирда бироз тушунмовчилик бўлиб турибди, лекин 22 март кунидан барчаси ўз ўрнига тушади ва чипталар сотуви ҳам нормал ҳолатда қўйилади. Бироз сабрли бўлишингизни ва ҳар қандай олди-қочди гапларга учмаслигингизни илтимос қиламан.
Бир ҳафтадан бери ҳар куни эрталабдан кечгача сиз мухлислар ва ўзбек футболини ўйлаб эрталабдан кечгача югур-югур билан ўйинга тайёргарлик қилинмоқда. 200 кишилик волонтёрлар гуруҳи деярли тайёр ва уларнинг меҳнати мевасини бутун Осиё 26 март куни кўради. Албатта, умид қиламизки, футболчиларимиз бизни ғалаба билан хурсанд қилишади!, - деб мурожаат қилади мухлислар клуби раиси Абдураҳмон Фозилов.
darakchi.uz
|
|
Категория: Sport yangiliklari |
Просмотров: 731 |
| Рейтинг: 5.0/3 |
Добавлять комментарии могут только зарегистрированные пользователи. [ Регистрация | Вход ] |
|
|
