Россиялик машҳур телебошловчи Иван Ургант ўзининг "Смак” муаллифлик кўрсатувида Украина қишлоқларидан бирининг аҳолиси ҳақида ҳазил қилгани катта можарога айланиб кетди.
Гап шундаки, Ургант кўрсатув эфирида таом тайёрлай туриб: "Сельдерни ўта мутаносиб равишда кесдим...Балки фикримни тўғри талқин қилолмагандирман. Мен кўкатни худди қизил комиссар Украина қишлоқ ахлини янчгани сингари, янчиб ташладим", деб ўз ҳаракатига изоҳ берган.
Унинг шу гаплари Украинада катта норозилик уйғотди. Хусусан Украина Радаси депутатлари (Парламент) ҳукуматдан украинларнинг миллий туйғуларини хақорат қилгани учун россиялик телебошловчига нисбатан чора кўришни, жумладан уни мамлакатга киритмасликни талаб қила бошлади.
Ҳозир Украина томони Россиянинг Биринчи телеканалидан мазкур масала юзасидан расмий баёнот кутмоқда. Бироқ телеканал раҳбарияти ҳозирча ушбу мавзуга эътибор қаратгани йўқ.
Украина Ташқи ишлар Вазирлиги эса Ургантнинг бу ҳазилидан ғазабга келган ва бу каби ноўрин фикрлар икки мамлакат ўртасидаги дўстона муносабатларга салбий таъсир кўрсатиши мумкинлигини маълум қилган.
"Афсуски халқларимиз ўртасида жуда кўп машъум саҳифалар бўлган, булардан фойдаланиш эса ножоиздир. Замонавий дунёда бу каби ҳазиллар тоталитар тузум оқибатида қурбон бўлган миллионлаб халқларнинг ҳотирасига хурматсизлик ҳисобланади. Ақлли қизиқчи бўлишга уриниш одамларнинг кулфати, қон тўкиш ва ўлимлар асосига қурилган ҳазиллар қилишиги хуқуқ бермайди", — дейилади Украина ТИВ шарҳида.
Ургант аллақачон Твиттердаги сахифасида ўз айбини тан олиб, Украина халқидан кечирим сўраган ва шарҳини "ноўрин” дея баҳолаган.
