| Статистика |
Hozirda saytda: 3 Mexmonlar: 3 Foydalanuvchilar: 0 |
|
Главная » 2013 » Mart » 27 » Сувдан семириш мумкинми
17:22 Сувдан семириш мумкинми |
Р хабарига кўра, бу ўз навбатида бошқа муаммоларни ҳам келтириб чиқариши мумкинлиги АҚШ тиббиёт ходимларини ташвишга солаётир. Касалликларнинг олдини олиш ва назорат қилиш маркази таҳлилларига кўра, ҳар йигирманчи америкалик кунига жуда кўп миқдорда – тўрт идишда содали сув истеъмол қилади. Эркаклар ва ўсимлар газли сувни аёлларга нисбатан кўпоқ ичишаркан. 12-19 ёшли ўсмирлар кунига ўртача икки идишда содали сув истеъмол қилади.Шунингдек бу кўрсаткичларга нафақат жинс, ҳатто моддий аҳвол ва тери ранги ҳам таъсир кўрсатади. Кам таъминланган аҳоли қатлами вакиллари газли сувни бадавлат одамлардан икки баравар кўпроқ истеъмол қилишади. Шунингдек, қора танли америкаликлар бундай ичимликни ҳаммадан кўра кўпроқ ичиши маълум бўлган.
Тадқиқотларда 17 минг киши иштирок этган. Олинган натижалар тиббиётчиларни даҳшатга солмоқда. Парҳезбоп газли ичимликлар, ширин чойлар, хушбуй сут ва мева шарбатлари бу ҳисобга кирмайди.
Маълумот учун:
Ўртача катталикдаги газланган ичимлик таркибида 10-12 қошиққача шакар мавжуд ва бу организм учун жуда хатарлидир.
Шифокорлар ширин ичимликлар истеъмол қилиш миқдорини 64 калориягача қисқартириш лозимлигини уқтиришмоқда. Аммо уларнинг мурожаатига кўпчилик эътибор қилмаяпти. Миллат саломатлигидан ташвишга тушган мутасадди раҳбарлар ширин ичимликларга солиқ миқдорини ошириш ва уларни ўқув муассасаларида сотишни тақиқлашни тавсия этишмоқда.
Шу билан бирга тиббиётчилар аҳолини ёш авлодга ибрат сифатида газли ичимликлардан воз кечишга чақиришмоқда.Улар бу одат худди чекиш сингари оммавий тус олмаслигига умид билдиришган.
Юз ташкилотдан иборат коалиция газли ичимликларга қарши бойкотнинг ягнги босқичини эълон қилишди. Америка юрак касалликлари уюшмаси ва бошқа тиббий муассасалар газли ва содали ичимликлар савдосига тўсиқ қўйиш, йирик анжуманларда уларга қарши чиқишлар ўтказишни режалаштиришган. "Қоплаб шакар емасангиз, нега уни ичасиз?” шиори остида янги кампания бошлаш ҳам кўзда тутилган.
Аммо, бошқа мутасаддилар бундай ҳаракатлар фойда беришига ишончсизлик билан қарашмоқда.
|
|
Категория: Foydali maslahatlar |
Просмотров: 955 |
| Рейтинг: 4.9/15 |
Добавлять комментарии могут только зарегистрированные пользователи. [ Регистрация | Вход ] |
|
|
