Rayhon nazarimda noyabr oyining eng mashhur insoniga aylandi. U haqida menimcha hammadan ham ko'proq gapirildi. Rayhonning to'yi bilan bog'liq gap-so'zlar shu qadar ko'p bo'ldiki, bu orada bo'lib o'tgan boshqa voqealar unchalik e'tiborga chiqa olmadi. Rayhon esa doimgidek o'z ijodini yana shiddat bilan davom ettirishni boshladi.

Katta irodali, matonatli, o'z ijodini yuksak darajada chiqishi uchun kurashadigan Rayhondan bugun yangi klip prem'erasini qarshilaymiz. Bugun 26 noyabr - Rayhonning volidasi Tamara Shokirova tavallud topgan kunlari. Aynan bugun Rayhon onasiga bag'ishlangan "Oyijon" nomli taronasiga ishlangan ajoyib klipni taqdim etmoqda. Dardli, ma'noli va barcha onalarni qadrini yana bir bor yodimizga soluvchi mazkur qo'shiqqa monand ravishda klip tasvirga tushirilgan. Quyida ushbu klipdan fotolavhalar va klipni ko'chirib olish yo'llanmasi keltirilgan. Marhamat, tomosha qiling va baho bering!