Криштиану Роналду: Биз ортиқча ҳаволаниб кетмаслигимиз керак
"Реал" клуби ҳужумчиси Криштиану Роналду ЕЧЛда ғолиб чиқиш имкониятлари ҳақида сўзлаб ўтди.
"Биз Чемпионлар лигасида ўнинчи ғалаба йўлида эканимиз ҳақида гапириш ҳозирча жуда қийин. Бизга ҳали кўп нарсалар етишмайди.
Тўғри, "МЮ" ва "Барселона" устидан қозонилган ғалабалардан сўнг орзуларимиз жуда катта. Аммо биз ортиқча ҳаволаниб кетмаслигимиз лозим.
Олдинда жуда оғир ўйинлар кутиб турибди ва биз курашда давом этмоғимиз шарт. Шахсан ўзимнинг ҳам ишларим жойида, аммо мен учун энг муҳими - жамоамиз ғалабаси. Испания Кубоги ва Чемпионлар лигасида ғолиб бўлиш учун курашамиз. Ла лигада бу ишни уддалаш анча оғир, аммо биз охирига қадар курашамиз", дейди португалиялик футболчи.
Игуаин «Тоттенхэм»га ўтиши мумкин
"Реал" клуби ҳужумчиси Гонсало Игуаин яқин вақтлар ичида фаолиятини "Тоттенхэм" клубида давом эттириши мумкин. Хабар қилинишича, мадридликлар Аргентина терма жамоаси ҳужумчиси устига қўшимча маблағ бериб Гарет Бэйлни ўз таркибларига қўшиб олмоқчилар.
Шу билан бирга Игуаиннинг ўзи лондонликлар сафига ўтишга қаршилик қилмаслиги кутилмоқда. Футболчи мадридликлар сафида асосий таркибда майдонга тушмаётганидан норози.
Месси Чемпионлар лигаси тарихидаги тўпурарлар рўйхатининг иккинчи ўринига кўтарилиб олди
"Милан"га қарши кечган учрашувда киритган икки голи эвазига "Барселона" клуби ҳужумчиси Лионель Месси Европа Чемпионлар лигаси тарихидаги тўпурарлар рўйхатининг иккинчи ўринига кўтарилиб олди.
25 ёшли аргентиналик футболчи ўз ҳисобига 57 ва 58-голларни ёздириб қўйди. Бу кўрсаткич орқали у "Манчестер Юнайтед" ва "Реал" клублари собиқ ҳужумчиси Руд ван Нистелройдан ўтиб кетди.
Эслатиб ўтамиз, ЕЧЛдаги энг кўп гол урган футболчи "Реал"нинг собиқ ҳужумчиси Рауль ҳисобланади. Унинг ҳисобида 71та гол бор.
«Монако» ёзда Рунини сотиб олишга уриниб кўради
Франциянинг "Монако" клуби "МЮ" ҳужумчиси Уэйн Рунини сотиб олиш умидида бўлиб турибди.
Россиялик миллиардер Дмитрий Риболовлев келгуси йили жамоа Франция чемпионатида муваффақият қозониши учун катта ҳаражат қилишга ҳам рози бўлиб турибди. Шу сабабли монаколиклар учун Руни ёзда асосий трансфер мақсади бўлади.
Хосе Энрике: Суареснинг ўйини Мессиникига ўхшайди
"Ливерпуль" клуби ҳимоячиси Хосе Энрике жамоадошши Луис Суареснинг ўйинига баҳо бераркан, уни Мессига ўхшатди.
"Яхши футболчилар билан ҳар доим тил топишиш осон. "Вильярреал"да Диего Форлан билан ўйнаганимда ҳам шундай бўлганди.
Ҳужумга ўтишимиз ҳамоно Луис Суаресни қидираман. У бизнинг энг яхши футболчимиз. Бу борада Суарес Мессига ўхшайди. У ҳам исталган қийин вазиятдан Месси каби чиқиб кетади ва йўқ жойдан гол уради", дейди футболчи.
| 
