Швейцарияда ўзининг биологик турида ягона бўлган уч ёшли айиқ ўлдирилди. М13 сифатида барчага маълум бўлган айиқ хукумат қарори билан отиб ташланди. Айиқни одамлар учун ҳавфли деб топиб, уни ўлдиришга қарор қилишди. Маҳаллий матбуотнинг маълумотларига қараганда, айиқни сўнгги пайтларда аҳоли яшайдиган худудларда кўп учратишгани боис уни ўлдиришдан бошқа чора қолмаган. Куз кунларининг бирида у ёзги уйчага кириб олиб, у ердан ғамлаб қўйилган озиқ-овқатларни олиб чиқиб кетган эди. Ўн кун олдин айиқ қишки уйқудан уйғониб, яна аҳолига яқин жойларда пайдо бўла бошлади.
Хукумат вакилларининг таъкидлашларича, улар аввал айиқни қўрқитиб, одамлардан узоқда яшашга ўргатмоқчи бўлишган, аммо айиқ буни писанд қилмаган. Мансабдорларнинг айтишларича, айиқ одамларга яқин бўлишга ўрганиб қолиб, уларнинг олдида ҳеч қандай қўрқув ҳис этмайдиган бўлиб қолган.
М13 Швейцария, Австрия ва Италия худудларида яшаган. Аммо асосий вақтини у Швейцариядаги Кантоне Граубюнден қишлоғи яқинида ўтказган. Келажакда Италиядаги бошқа айиқлар ҳам Швейцарияга кўчиб ўтиши кутилмоқда. Аммо ҳозирча бундай ҳайвонлар йўқ, М13 мамлакатда яшаган энг сўнгги айиқ эди.
Швейцарияда туғилган энг сўнгги айиқ 1904 йилда ўлдирилган эди. Кейинроқ XXI асрда Италияга Словениядан айиқлар келтирилган бўлиб, уларнинг авлоди Швейцарияга кўчиб ўтишган. 2006 йилда мамлакатда одамлар учун ҳавф туғдирган айиқ отиб ўлдирилиши хақида режа тузилган эди. Ушбу қарорга асосан шу кунгача бер нечта айиқлар ўлдирилган.
М13 айиғини илк бор 2012 йилнинг апрелида сезиб қолишди. Унинг М12 ва М14 ака-укаларини машина уриб юборган. М13 ҳам поезд билан тўқнашганда жарохатланган, аммо тирик қолганди. 2012 йил кузда у эшакка ҳужум қилган, ари инини бузган ва шаҳар ташқарисидаги уйларга киришга уринган. Куз фаслининг оҳири ва қишда айиқ уйқуда бўлган.
