Месси Испания чемпионатидан кетма-кет 17 учрашувда гол урди
"Барселона" клуби ҳужумчиси Лионель Месси Примера рекордини янгилашга муваффақ бўлди. "Депортиво" дарвозасини 27-тур доирасида аниқ нишонга олган ҳолда, аргентиналик футболчи кетма-кет 17-учрашувни ҳам голсиз якунламади. Месси 62-дақиқада захирадан майдонга тушди, 88-дақиқада бўлса гол киритишга эришди.
Мессининг голлари серияси 2012 йил 11 ноябрь куни "Мальорка"га қарши учрашувда бошланган ва ўз таркибига қуйидаги учрашувларни киритади:
11.11.2012. "Мальорка" — "Барселона" — 2:4 (2 гола Месси);
17.11.2012. "Барселона" — "Сарагоса" — 3:1 (2);
26.11.2012. "Леванте" — "Барселона" — 0:4 (2);
01.12.2012. "Барселона" — "Атлетик" — 5:1 (2);
10.12.2012. "Бетис" — "Барселона" — 1:2 (2);
17.12.2012. "Барселона" — "Атлетико" — 4:1 (2);
22.12.2012. "Вальядолид" — "Барселона" — 1:3 (1);
06.01.2013. "Барселона" — "Эспаньол" — 4:0 (1);
14.01.2013. "Малага" — "Барселона" — 1:3 (1);
19.01.2013. "Реал Сосьедад" — "Барселона" — 3:2 (1);
27.01.2013. "Барселона" — "Осасуна" — 5:1 (4);
03.02.2013. "Валенсия" — "Барселона" — 1:1 (1);
10.02.2013. "Барселона" — "Хетафе" — 6:1 (1);
16.02.2013. "Гранада" — "Барселона" — 1:2 (2);
24.02.2013. "Барселона" — "Севилья" — 2:1 (1);
02.03.2013. "Реал" — "Барселона" — 2:1 (1);
09.03.2013. "Барселона" — "Депортиво" — 2:0 (1).
Мессига қадар рекорд серия 10 та учрашувдан иборат эди.
Ўзил 500 еврога жаримага тортилди Испания полицияси "Реал" ярим ҳимоячиси Месут Ўзилни тақиқланган жойда машинасини бургани учун жаримага тортди. Жарима миқдори 500 еврони ташкил қилади, дея хабар беради Terra Espana.
Эслатиб ўтамиз, сўнгги 1 ой ичида "Реал" футболчиларининг 3 нафари йўл ҳаракати қоидаларига амал қилмагани учун қўлга тушишган. Сал олдинроқ Марсело ҳайдовчилик гувоҳномаси бўлмагани учун, Камим Бензема эса соатига 216 км. тезликда юргани учун полицияга тушишган. Ҳатто Каримга қамоқ жазоси ҳам берилиши мумкин. Ҳозирча суд қарори кутиляпти.
Аввал йўл ҳаракати қоидаларини, машина ҳайдашни ўрганиш керак, кейин тўп тепишни, бу Карлос Тевесга ҳам тегишли!
Алексис Санчес «Милан»га қарши ўйинга тушади
Чилилик ҳужумчи сешанба куни нима қилиб бўлса ҳам, жамоа "Милан" тўсиғидан ўта олишига ишонмоқда ва бу ўйинга ўзи ҳам қаттиқ тайёргарлик кўрмоқда.
— Биз ғалаба қозонишимиз керак эди, жуда муҳим эди, — дейди Санчес кечаги ўйиндан кейин берган интервьюсида. — "Милан"га қарши ўйинда ҳам бу биз учун жуда муҳим омил. Мағлубиятлар асорат қолдириши мумкин, лекин ғалаба учун курашишимиз шарт.
Шунингдек, Тиагу Алкантара ҳам "Барса"нинг ғалабасига ишонмоқда:
— Биз Чемпионлар лигасида ҳаёт учун ўйнаймиз, чунки у ерда жуда муҳим соврин бор. Яхши натижа қайд этишга ҳаракат қиламиз.
| 
