| Статистика |
Hozirda saytda: 5 Mexmonlar: 5 Foydalanuvchilar: 0 |
|
Главная » 2013 » Mart » 27 » Shahzodaning matbuot anjumanidan
07:07 Shahzodaning matbuot anjumanidan |
Bugun 2013 yil 25 mart kuni soat 15:00da Shahzoda bir qator OAV hodimlari bilan matbuot anjumani o’tkazdi. O’zbekiston Respublikasi Milliy Kutubxonasining 5 qavatida joylashgan anjumanlar zalida Shahzodaning may oyida bo’ladigan konsert dasturi, yangi saytining ochilishi, yangi albomlari va bir qator ijodiy faoliyati borasida matbuot anjumani bo’lib o’tdi.
Anjumanda OAV hodimlari va Shahzodaning bir qator ashaddiy muxlislari jamlangan bo’lib, 1,5 soat davomida o’zlarini qiziqtirgan savollariga javob olishdi. Savollar orasida qiziqarlilari ham bo’ldi, zerikarlilari ham. Shahzoda har bir savolga to’liq va aniq javob berishga harakat qildi. Hech bir savoldan qochgani yo’q. Bu hol albatta tahsinga loyiq. Anjuman davomida Shahzoda va Shohruhxon ijrosidagi «Shoshma» taronasiga ishlangan klip va xonandaning yangi rasmiy saytini tanishtiruvi ham bo’lib o’tdi.
OAV hodimlariga taqdim etilgan press-relizda Shahzoda bahor oylarida nafaqat o’zbek tilidagi balki rus tilidagi albomini ham taqdim etishi rejalashtirilayotgani yozilgan. Shuningdek, Evropaning mashhur ovoz yozish kompaniyasi bilan hamkorlikda ingliz tilida ham albom tayyorlanayotganligi haqida ma’lumotlar berilgan. Tez orada Bolqonlik taniqli prodyuser va xonanda Costi bilan birgalikda kuylangan duet taronaning klipi prem’erasi ham yaqin orada bo’lishi kutilmoqda. Demak, Shahzoda yakkaxon konsert dasturiga tayyorgarliklar chog’ida boshqa ijodiy ishlarni ham to’xtatayotgani yo’q. Biz Shahzodaning kelgusi ijodiga omadlar tilab qolamiz.
|
|
Категория: Shou biznes olami |
Просмотров: 1058 |
| Рейтинг: 5.0/12 |
Добавлять комментарии могут только зарегистрированные пользователи. [ Регистрация | Вход ] |
|
|
