Главная » 2014 » Fevral » 11 » Саудиялик фуқаро қулоғидаги шпаргалка билан 20 йил яшади
19:06
Саудиялик фуқаро қулоғидаги шпаргалка билан 20 йил яшади
Саудия Арабистонининг Хайил шаҳрида истиқомат қилувчи фуқаро қулоғидан, 20 йил аввал мактабдаги имтиҳон вақтида яширган, бироқ имтиҳондан сўнг эсидан чиқиб кетган шпаргалка (жавоблар ёзилган қоғоз)ни топиб олди. Бу ҳақда Саудия Арабистонининг Al-Jazirah газетаси хабар бермоқда.
Саудияликнинг қулоғидаги кичик қоғоз бўлагини шифохонада чиқариб олишган. Исми ёши ошкор этилмаётган эркак қулоғи ва бўйнида бирдан кучли оғриқ бўлганидан сўнг шифокорларга мурожаат қилган. Аввалига, у қулоғидаги оғриқ унда кир тўпланиб қолганидан пайдо бўлди, деб ўйлаган.
Эркак ушбу шпаргалкани битирув имтиҳонлари учун тайёрлаганини эслаган. Қоғозлар айнан қайси фан имтиҳони учун мўлжалланганига аниқлик киритилмаган.
Маълум бўлишича, Хайил фуқароси мактаб имтиҳонларини муваффақиятли топшириб, кейинчалик университетга ўқишга кирган. Газетанинг қайд этишича, қулоғидан топилган шпаргалка воқеасидан сўнг у ўғли билан суҳбатлашиб, ўша вақтда нотўғри иш қилганини ва мактабда жавобларни бировдан кўчириб олиш яхши иш эмаслигини тушунтиришган.
