Главная » 2013»Sentyabir»17 » Сариқ корпусли “iPhone 5C” харидорларда кўпроқ қизиқиш уйғотмоқда
01:25
Сариқ корпусли “iPhone 5C” харидорларда кўпроқ қизиқиш уйғотмоқда
Сариқ корпусли "iPhone 5C”
смартфони онлайн-буюртма қилган АҚШлик харидорлар орасида кўпроқ қизиқиш
уйғотган. Бу ҳақда "Apple” компанияси сайтидаги маълумотлар далолат
бермоқда.
Эслатиб ўтамиз, шу йил 10 сентябрь куни
"Apple” компанияси бундан кейин тилла рангда ҳам чиқадиган "iPhone 5S”
ва бешта рангда (яшил, ой, мовий, пушти ва сариқ) чиқадиган сал арзонроқ
"iPhone 5C” смартфонларининг тақдимотини ўтказганди. Компания жума
куни "iPhone 5C” модели учун дастлабки буюртмаларни қабул қила бошлади.
Энди АҚШда исталган рангдаги, ҳар қандай хотира ҳажмига эга моделлар 20
сентябрда етказиб берилади. Бироқ сариқ корпусдаги 16 Гбайт хотирага эга
ва оператор шартномаси бўлмаган "iPhone 5C” га буюртмаларни
расмийлаштирган харидорлар учун етказиб бериш санаси 5 кунга – 25
сентябрга қадар кечиктириладиган бўлди. Эслатиб ўтамиз, "iPhone 5C”
смартфони "Apple” компанияси ўтган йили сотувдан олиб ташлаган "iPhone
5”нинг ўрнига чиқарилмоқда.
