| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Fevral » 22 » Санжар Турсунов «Локомотив» билан шартнома имзолади
20:41 Санжар Турсунов «Локомотив» билан шартнома имзолади |
Voqea:
Трансферлар
Ўзбекистон миллий терма жамоаси ярим ҳимоячиси Санжар Турсунов Тошкентнинг «Локомотив» клуби билан шартнома имзолади. Бу ҳақда клуб расмий сайти хабар бермоқда.
Шартнома муддати ва шартлари, шунингдек, футболчи қандай мақомда (эркин агент, ижара ёки трансфер ҳуқуқи сотиб олинганми?) ҳақида маълумот берилмаган. Сўнгги вақтларда футболчи Россиянинг «Крилья Советов» клубига ўтиши мумкинлиги ҳақида хабарлар тарқатилган эди.
Санжар Турсунов, журналистлар ўртасида ўтказилган сўровнома натижаларига кўра, 2012 йилнинг энг яхши футболчиси деб топилган эди. Футболчи, асосан, Ўзбекистон миллий терма жамоасидаги ўйинлари ва голлари сабаб ушбу мукофотни қўлга киритди.
Клуб миқёсида 2012 йил Санжар Турсунов учун нисбатан муваффақиятсиз кечди. Ярим ҳимоячи Россиянинг «Алания» клуби сафида Россия Премьер-лигасининг саноқли ўйинларида майдонга тушди, декабрь ойида клуб уни трансферга қўйганди.
Тошкентнинг «Локомотив» клуби 2012 йил якунига кўра, Олий Лига бронза медалларини қўлга киритиб, ОЧЛ плей-офф баҳсларида иштирок этиш ҳуқуқига эга бўлганди. Бироқ БААнинг «Ан-Наср» жамоасига қарши ўйинда Тошкент клуби имкониятни бой берди. Жамоа айни вақтда Ўзбекистон чемпионлиги ва Кубогини қўлга киритиш учун асосий даъвогарлардан бири сифатида кўрсатилмоқда.
|
|
Категория: Sport yangiliklari |
Просмотров: 631 |
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
|
|
