Главная » 2013»May»12 » Samsung Galaxy S4 — smartfonlardagi eng zo‘r kamera(mi?)
06:44
Samsung Galaxy S4 — smartfonlardagi eng zo‘r kamera(mi?)
Samsung Galaxy S4 yilning eng kutilgan smartfoni desak mubolag‘a bo‘lmaydi. Smartfonning sinov muddatida ko‘p tanishlarim uni ko‘rib, "Iye, S3 olibsanmi?” deya so‘rashdi. Men ularga javoban qo‘limdagi smartfon S3 emas, Galaxy S4 ekanligini aytsam, ularning qiziqishi yanada ortib, apparatni "kavlay” boshlashdi. Bu nimadan dalolat beradi?
Smartfonga qiziqish juda yuqoriligi va Galaxy S4 dizayni uning akasi S3′ga juda o‘xshashligidan. Samsung Galaxy S4 — kamerasi
Dunyodagi eng mashhur smartfonlarning biri — Samsung Galaxy S4 bo‘yicha O‘zbekistodagi birinchi o‘zbek tilidagi taqrizni uning kamerasini o‘rganishdan boshlashga qaror qildik. Smartfonga hozirgi kundagi eng zamonaviy kameralardan biri o‘rnatilgan bo‘lib, sensori kattaligi 13 Megapikselni tashkil qiladi. Ya’ni, smartfonga 13 Megapikselli kamera o‘rnatilgan. Kamera avtofokus va LED-vspishkaga ega. Unda olingan rasmlar 4128×3096 piksel o‘lchamni tashkil qiladi.
Galaxy S4′ning old kamerasi ham chakki emas. U 2 Megapikselli bo‘lib, suratlardan tashqari 1080p (FullHD) o‘lchamida video ham olish qobiliyatiga ega.
