Главная » 2013»Mart»24 » Samsung Galaxy S4 aprelda O‘zbekiston bozoriga chiqadi
12:55
Samsung Galaxy S4 aprelda O‘zbekiston bozoriga chiqadi
Yangi Samsung Galaxy S4 aprel oyida O‘zbekistonda sotuvga chiqadi. Bu haqda Mobinfo internet-nashri xabar bermoqda. Samsung Galaxy S4. Foto: The Verge Samsung kompaniyasi rejasiga ko‘ra, Galaxy S4 shu yil aprel oyida birdaniga 155 mamlakatda sotuvga chiqadi. Smartfon narxi hali e’lon qilinmagan, ammo u Galaxy S3 apparatidan qimmatroq bo‘lishi kutilmoqda. Mobinfo sayti xabar berishicha, hozirda Galaxy S3 do‘konlarda 520 AQSh dollariga sotilmoqda. Eslatib o‘tamiz, Samsung o‘zining yangi flagman smartfonini 15-mart kuni namoyish qilgan edi. Galaxy S4 deb nomlangan yangi telefon 8 yadroli protsessor va 2 Gigabayt xotiraga ega bo‘lib, ekranining o‘lchami 5 dyuymga teng. Yangi smartfon Galaxy S3′ning davomchisi bo‘lib, u Apple iPhone 5, HTC One, Sony Xperia Z kabi telefonlar bilan raqobat qiladi.
