Главная » 2014»Fevral»9 » Rossiyalik sharhlovchi o‘zbekistonliklardan rasman uzr so‘radi
00:07
Rossiyalik sharhlovchi o‘zbekistonliklardan rasman uzr so‘radi
Rossiyalik sharhlovchi Dmitriy Guberniyev o‘zining rasmiy saytida qilgan xatosi uchun O‘zbekiston ahlidan rasman kechirim so‘radi. Unda shunday deyiladi:
Hurmatli O‘zbekiston ahli!
Sochidagi Olimpiya o‘yinlari ochilishini sharhlash jarayonidagi xatoyim uchun kechirim so‘rayman. Bundan keyin e’tiborli bo‘lishga harakat qilaman.
Sizning sportchilaringizga muvaffaqiyatli chiqish qilishlarini tilayman!
Mazkur “Murojaat”ga yozilgan izohlarda turli fikrlar bildirilmoqda. Ammo asosiysi Dmitriy Guberniyev xatosini tan olib, kechirim so‘raganidir. Zero, bir tomondan, bu O‘zbekistonga va uning aholisiga hurmat ifodasi bo‘lsa, ikkinchi tomondan uning o‘z obro‘si uchun ham muhim.
Sochi shahridagi qishki Olimpiada o‘yinlari ochilish marosimi “Rossiya 1” telekanalida jonli tarzda translyatsiya qilinayotgan payti sharhlovchi Dmitriy Guberniyev adashib, O‘zbekiston jamoasini Tojikiston deb tanishtirgan edi. Bu xatolik ko‘pchilikning g‘azabini qo‘zg‘atgan va ayniqsa, ijtimoiy tarmoqlarda bu aks etmoqda.
