Главная » 2014 » Fevral » 7 » Rossiyalik internet-millionerlar ro‘yxatida Alisher Usmonov yetakchilik qilmoqda
03:00
Rossiyalik internet-millionerlar ro‘yxatida Alisher Usmonov yetakchilik qilmoqda
"Kommersant” nashri rossiyalik internet-millionerlar orasida eng badavlatlari qaysilar ekanligini hisoblab chiqdi. Bunda ularning yirik internet-kompaniyalardagi ulushlari hisobga olindi, deb yozadi "Sukerberg pozvonit” sayti.
Aslida bu ro‘yxatning yuqori pog‘onasidan kimlar joy olishini ko‘pchilik taxmin qila olar edi. "Kommersant” ro‘yxatida 100 nafar kishi bo‘lsa, ular orasida birinchi o‘rinni Alisher Usmonov zabt etdi. Uning Facebook, Mail.ru Group, Twitter kabi kompaniyalardagi ulushini 5,4 milliard AQSh dollariga baholashdi.
Ro‘yxatning ikkinchi pog‘onasini Tcsbank.ru sohibi Oleg Tinkov egalladi. Uning sarmoyasi 2,065 milliard AQSh dollariga teng ekanligi qayd etildi.
Ommabop qidiruv va boshqa internet xizmatlarini taqdim etuvchi Yandex xo‘jayini Arkadiy Voloj esa 1897 million AQSh dollari bilan uchinchi o‘rinda turibdi.
To‘rtinchi pog‘onadagi Yuriy Milnerning Facebook, Twitter, Spotify kabi xizmatlardagi ulushi ham 1690 million AQSh dollariga yetib qoladi.
Perform Group, Rocket Internet, Deezer kabi saytlar orqali sarmoya to‘playotgan Leonard Blavatnik ham ro‘yxatdagi kuchli beshlikka kirgan. Uning mablag‘ini 1601 million AQSh dollariga baholashdi.
Darvoqe, "VKontakte”dan ketishi xabar qilingan Pavel Durov o‘zining 190 million AQSh dollari miqdoridagi sarmoyasi bilan atigi 28-o‘rinda turibdi.