Главная » 2014 » Aprel » 2 » Ronaldu, Neymar va Runi yangi filmda suratga tushdi
14:04
Ronaldu, Neymar va Runi yangi filmda suratga tushdi
Nike Football Krishtianu Ronaldu, Neymar va Ueyn Runi ishtirokidagi yangi videorolikni taqdim etdi. Bu haqda “Sports.uz” xabar berdi.
Film rejissori — Djonatan Gleyzer. Film “Kurashlar afsona yaratadi” shioriga asoslangan. Nike kompaniyasi marketing bo‘yicha vitse-prezidenti Davide Grasso filmning maqsadi haqida so‘zlab shunday degan: “Mamlakat terma jamoasida maydonga tushish har bir o‘yinchining orzusi, katta sharaf va katta mas’uliyat hamdir.”
“Filmning maqsadi dunyoning eng zo‘r o‘yinchilari atrofdagilarning bosimiga qaramasdan, qanday muvaffaqiyatlarga erisha olishini ko‘rsatishdan iborat. Bu o‘yinchilar mas’uliyati tufayli muvaffaqiyatga erishmoqda. Bu futbolchilar imkoniyatidan ham ko‘ra ko‘proq o‘ynaydi. Runining o‘tgan haftadagi goli esingizdami? Biz futbolni aynan shunday vaziyatlar uchun tomosha qilamiz. Axir, bu o‘zimizni ham qahramonliklar qilishga undaydi. Bu film barcha futbolchiga qaysi saviyadagi terma jamoada o‘ynashidan qat’iy nazar, agar u tavakkal qilsa, uni hech kim to‘xtata olmasligini eslatmoqchi bo‘ladi”, — deya qo‘shimcha qildi Grasso.
