Европа Чемпионлар лигасининг 1/8 финал дастлабки учрашувлари доирасидаги "Реал" ҳамда "Манчестер Юнайтед" клублари ўртасидаги учрашув ниҳоясига етди. Қизиқарли кечган баҳсда 1:1 ҳисоби қайд этилди.
Аввалига Уэлбек учрашувнинг 20-дақиқасида ҳисобни очди. Кейин эса, 30-дақиқада Криштиану Роналду боши билан "МЮ" дарвозасини ишғол қилди. Киритилган голни португалиялик ҳужумчи ҳурмат тариқасида деярли нишонламади. Биринчи бўлимда устунлик "Реал" томонида бўлди.
Иккинчи бўлимда кучлар бироз тенглашгандек бўлди. Аммо, майдон эгаларининг тўп билан муомалада бўлишлари ва кескин ҳужум уюштиришлари кўпроқ бўлди. Захирадан майдонга тушган Игуаин ва Модричлар ўйинни кучайтиришга эришдилар. Лекин, "Реал" иккинчи голни ура олмади.
Шу тариқа томонлар дурангга имзо чекишди.
Европа Чемпионлар лигаси, 1/8 финал
"Реал" Мадрид – "Манчестер Юнайтед" — 1:1
Голлар: 0:1 – 20 Уэлбек, 1:1 – 30 Роналду.
"Реал" Мадрид: Диего Лопес, Арбелоа, Рамос, Варан, Коэнтрау, Хедира, Алонсо (Пепе, 84), Ди Мария (Модрич, 75), Ўзил, Роналду, Бензема (Игуаин, 60).
"Манчестер Юнайтед": Де Хеа, Рафаэл, Рио Фердинанд, Эванс, Эвра, Кэррик, Жонс, Уэлбек (Валенсия, 73), Кагава (Гиггз, 64), Руни (Андерсон, 84), ван Перси.
Огоҳлантиришлар: ван Перси (5), Рафаэл (40).
«Шахтер» - «Боруссия» — 2:2
Европа Чемпионлар лигасининг 1/8 финал дастлабки учрашувлари доирасидаги "Шахтер" ҳамда "Боруссия" клублари ўртасидаги учрашув ниҳоясига етди. Унда 2:2 ҳисоби қайд этилди.
Икки марта ҳисобда олдинда борган мезбонлар ўз дарвозаларидан иккита тўп ўтказиб юборишди.
Ўйин дуранг кўринишида якун топди.
Европа Чемпионлар лигаси, 1/8 финал
"Шахтер" Украина – "Боруссия" Д Германия 2:2
Голлар: 1:0 – 31 Срна, 1:1 – 41 Левандовски, 2:1 – 68 Коста, 2:2 – 87 Хуммельс.
"Шахтер": Пятов, Срна, Ракицкий, Чигринский, Рац, Фернандиньо, Гюбшман, Алекс Тейшейра (Эдуардо, 84), Мхитарян, Тайсон (Коста, 62), Луис Адриано.
"Боруссия" Д: Вайденфеллер, Пишчек, Ф. Сантана, Хуммельс, Шмельцер, Кель, Бендер, Блашчиковски (Ляйтнер, 80), Гетце, Ройс, Левандовски.
Огоҳлантиришлар: Фернандиньо (69).
Манба: www.uff.uz
|
