Мухлислар "Реал" мураббийи сифатида Лаудрупни кўришни истаяптилар
Мадриднинг "Реал" жамоасининг кўп сонли мухлислари "қироллик клуби"нинг мураббийлик столида "Суонси"нинг ҳозирги мураббийи Микаэл Лаудрупни кўришни истаяптилар.
Бу мавзуда Испаниянинг машҳур AS нашри ўтказган сўров натижаларига кўра, 73 фоиз мухлислар Микаэл Лаудруп номзодини маъқуллаганлар. 18 фоизи эса рафаэл Бенитес ва 9 фоизи Карло Анчелоттига овоз берганлар.
Рафаэл Бенитесга овоз берганлар ҳам бор экан. Энг қизиғи, номзодлар орасида Жозе Моуриньо кўринмайди.
Криштиану Роналдунинг нархи ошмоқда!
Аввалроқ хабар бериб ўтганимиздек, "Манчестер Юнайтед" жамоаси ўзининг собиқ футболчиси, ҳозирда "Реал" жамоасида фаолият юритаётган Криштиану Роналдуни клубга қайтариш учун астойдил киришган.
"Қизил иблислар" сафига 2003 йилда келиб қўшилган Роналду 2009 йилда рекорд суммага "қироллик клуби"га сотилган эди. Энди манкунианликлар ушбу ярим ҳимоячини қайтариб олиш пайидалар. МЮ раҳбарияти футболчи трансфери учун 63 миллион еврони таклиф этмоқдалар.
Эслатиб ўтамиз, Роналдунинг нархи шу пайтгача 55 миллион фунт эди.
Зайниддин Зидан «Лион» - «Тоттенхэм» учрашувида Гарет Бэйлнинг ўйинини кузатди "Реал" клуби бошқаруви тизимида фаолият олиб бораётган Зайниддин Зидан "Лион" ва "Тоттенхэм" клублари ўртасидаги учрашувга ташриф буюрди.
Испан нашрлари томонидан хабар қилинишича, Зидан бу учрашувда "тақачилар" ярим ҳимоячиси Гарет Бэйлнинг ўйинини кузатган. Эслатиб ўтамиз, "Реал" клуби Гарет Бэйлни сотиб олишни режалаштирмоқда ва унинг учун 60 миллион еро таклиф қилмоқчи.
Manba: Uff.uz
| 
