"Барселона" жамоаси футболчиси Сеск Фабрегас "Барса-ТВ"га берган интервьюси чоғида "Реал"га қарши ўйин олдидан ўз фикрларини билдирар экан, Каталония жамоасида дунёдаги энг яхши ўйинчилар жамланганини ҳам таъкидлаб кетди. — Дастлабки дақиқалардан кутиб туришга ҳожат йўқ, гол уриш керак. Ўтган йили биринчи ўйинда яхши натижага эришгандик, лекин жавоб учрашувида қолиб кетгандик. "Реал" — жуда хавфли жамоа. Биз яхши тарафларимизни намойиш этамиз. Бунинг учун бизда ҳамман нарса етарли: футболчилар, энг асосйиси, ҳамжиҳатлик, — дейди Фабрегас
Даниэль Алвеш: «Барселона» 0:0 учун ўйнай олмайди:
"Барселона" клуби ҳимоячиси Даниэль Алвеш Испания Кубогида "Реал" клубига қарши ўтадиган учрашувда ҳужумкор футбол намойиш этишларини таъкидлаб ўтди. "Биз 0:0 учун ўйнай олмаймиз. Бизнинг жамоамиз табиати бунақа эмас. Биз мавжуд натижани ҳимоя қилиш учун эмас, балки фақат ғалаба учун майдонга тушамиз. Биз илк дақиқаларданоқ ҳужумга зўр берамиз", дейди Алвеш.
Моуриньо: МЮ ва «Барселона»га қарши ўйинга тайёрмиз! :
"Реал" бош мураббийи Жозе Моуриньо Испания кубоги ярим финали ҳамда Чемпионлар лигаси нимчорак финали жавоб учрашувларига жуда яхши тайёргарлик кўрганини таъкидлади. — Эртага бўладиган ўйин бошқа ўйинларимизга ўхшамайди. Биз чиройли ўйин намойиш этиб, керакли натижани қўлга киритмоқчимиз. Бензема ва Алонсо машғулотларда қатнашишди ва эртага майдонга тушиб қолишлари мумкин. Олдимизда жуда мураккаб тақвим турган бўлса-да, ҳамма МЮ ва "Барса"га қарши ўйнашни истаяпти. Биз ўйинга тайёрмиз! — дея мураббий сўзларидан иқтибос келтиради клуб расмий сайти.
