Главная » 2014 » Aprel » 2 » “Real”—“Borussiya” o‘yini “Sport” kanalida to‘g‘ridan-to‘g‘ri olib beriladi
22:28
“Real”—“Borussiya” o‘yini “Sport” kanalida to‘g‘ridan-to‘g‘ri olib beriladi
Yevropa Chempionlar ligasi musobaqasining chorak finalidan o‘rin olgan o‘yinlar davom etadi. Bugun, 2-aprel kuni tunda futbol ishqibozlari hukmiga ikkita uchrashuv havola etiladi. Bu haqda “Uff.uz” xabar berdi. Ulardan biri Ispaniya poytaxti Madrid shahrida boshlanadi. Mahalliy “Real” jamoasi Dortmundning “Borussiya” klubini qabul qiladi.
Aynan ushbu jamoalar o‘tgan yili yarim finalda ham bir-birlariga ro‘baro‘ kelgan edi. O‘shanda ikki o‘yin natijasiga ko‘ra, nemis klubi finalga yo‘l olgan edi.
Ikkinchi uchrashuv Fransiya poytaxti Parij shahrida bo‘lib o‘tadi. Unda “PSJ” jamoasi Londonning “Chelsi” klubiga mezbonlik qiladi.
Eslatib o‘tamiz, bugungi o‘yinlar Toshkent vaqti bilan soat 23:45 da boshlanadi.
“Sport” telekanalidagi manbamiz xabariga ko‘ra, Toshkent vaqti bilan 23:45 da “Real”—“Borussiya” o‘yini to‘g‘ridan-to‘g‘ri efirga uzatiladi. “PSJ”—“Chelsi” o‘yini esa avvalgi uchrashuv tugashi bilan namoyish qilinadi.
