Главная » 2013»Sentyabir»8 » "Реал" бир мавсумда 500 миллион евродан ортиқ даромад олди
02:59
"Реал" бир мавсумда 500 миллион евродан ортиқ даромад олди
2012/13 йил мавсумида "Реал" клубининг даромади 520,9 миллион еврони ташкил этди, бу унга яна бир бор дунёдаги энг даромадли клуб номини олиш имконини берди, деб ёзади жамоанинг расмий сайти.
Ўтган йили Мадрид клуби 500 миллион евро чегарасидан ўтишга муваффақ бўлган ҳар қандай спорт туридаги биринчи жамоага айланганди.
Бу йил клубнинг соф фойдаси 36,9 миллион еврони ташкил этди, бу ўтган мавсумга қараганда 52,4% га кўп. Умумий қарзлар миқдори эса 90,6 миллион еврога қисқарган.
Бир мавсумда олган даромади бўйича иккинчи ўрин “Барселона” жамоасига насиб этди. Унинг даромади 483 миллион еврони ташқил қилган. Англиянинг “Манчестер Юнайтед” жамоаси эса 396 миллион евро билан учинчи ўринни эгаллади.
