| Статистика |
Hozirda saytda: 36 Mexmonlar: 36 Foydalanuvchilar: 0 |
|
Главная » 2013 » Fevral » 28 » Равшан Эрматов кетма-кет еттинчи марта Ўзбекистоннинг энг яхши ҳакамига айланди
22:47 Равшан Эрматов кетма-кет еттинчи марта Ўзбекистоннинг энг яхши ҳакамига айланди |
20 февраль, чоршанба куни Тошкентдаги «Зарафшон» киноконцерт залида Ўзбекистон футбол федерациясининг 2012 йил якунларига бағишланган тадбир бўлиб ўтди. Унда 2012 йилнинг лауреатларига мукофотлар топширилди.
Энг асосий совринларнинг эгаси 2013 йил бошида маълум бўлиб улгурган эди. Январь ойида журналистлар ўртасида ўтказилган сўровнома натижаларига кўра, Ўзбекистон миллий терма жамоаси ярим ҳимоячиси Санжар Турсунов энг яхши ўйинчи, терма жамоа ва «Бунёдкор» бош мураббийи Миржалол Қосимов йил мураббийи деб топилган эди.
«Fair Play» («Ҳалол ўйин») соврини Тошкент вилоятининг «Олмалиқ» жамоасига насиб этди. Ушбу жамоа футболчилари 2012 йилги Ўзбекистон Чемпионати давомида бирор марта ҳам қизил карточка олишмаган. Таниқли футбол рефериси Равшан Эрматов эса кетма-кет еттинчи марта «Йилнинг энг яхши ҳаками» совринини қўлга киритди.
Эронда бўлиб ўтган 2012 йилги ўсмирлар ўртасидаги Осиё чемпионатида чемпионликни қўлга киритган Ўзбекистон ўсмирлар терма жамоаси бош мураббийи Дилшод Нуралиев йилнинг энг яхши ёшлар мураббийи деб топилган бўлса, ушбу терма жамоанинг икки нафар аъзоси – «Машъал» ярим ҳимоячиси Отабек Шукуров ва «Пахтакор» ҳимоячиси Жамшид Болтабоев йилнинг энг яхши ёш футболчисига айланди.
Фарғонанинг «Нефтчи» клуби ҳужумчиси Анвар Бердиев 2012 йилнинг энг яхши тўпурари деб топилди. Ҳужумчи мавсум давомида Олий Лига клублари дарвозасига жами 19та гол уришга муваффақ бўлди.
Тадбир давомида ўзбек футболи тараққиётига катта ҳисса қўшган шахслар «O’zbekiston Futbol Federatsiyasi» эсдалик нишони билан тақдирланди. Нишон билан тақдирланганларнинг тўлиқ рўйхати ЎФФ расмий сайтида эълон қилинган.
|
|
Категория: Sport yangiliklari |
Просмотров: 679 |
| Рейтинг: 5.0/16 |
Добавлять комментарии могут только зарегистрированные пользователи. [ Регистрация | Вход ] |
|
|
