Kanada o'z tarixida ilk bor plastik pullarni muomalaga chiqardi. 20 kanada dollari plastikda chiqarilgan birinchi pulga aylandi, chunki mamlakatda ana shu qiymatdagi pul biriligi faol qo'llaniladi. Bunday pullardan 800 mln.dona chiqarilgan.Plastikda chiqarilgan pullarning afzalligi shundaki, ular uzoq vaqt xizmat qiladi va qalbakilashtirishga qarshi himoya darajasi yuqori. Yangi chiqarilgan 20 dollarlik plastik banknotlarda Buyuk Britaniya qirolichasi Elizavetaning surati markazga ko'chiriladi. Bundan oldin u banknotning o'ng tomonida bo'lgan, chunki pulning o'rtasida surat tezda o'chib ketardi. Endi nominali 5 va 10 dollar bo'lgan plastik pullar chiqariladi. Ayni paytda Kanada bank tizimi ushbu yangiliklarga faol tayyorlanmoqda. Xususan, ikki yil davomida mamlakatdagi bankomatlar o'zgartiriladi, ayni paytda ular faqat qog'oz pullar bilan ishlashga mo'ljallangan. Qayd etib o'tamiz, o'tgan yili Angliya banki pullarni plastik tashuvchida emissiya qilgandi, ungacha esa bunday pullar Meksika, Avstraliya, Yangi Zelandiya, Singapur va Indoneziyada chiqarilgan.
