| Статистика |
Hozirda saytda: 26 Mexmonlar: 26 Foydalanuvchilar: 0 |
|
Главная » 2013 » Fevral » 28 » "Пахтакор" Шерзод Каримовни Хитой жамоасига бериб юборди
22:30 "Пахтакор" Шерзод Каримовни Хитой жамоасига бериб юборди |
27 февраль куни Тошкентнинг "Пахтакор" жамоаси ярим ҳимоячиси Шерзод Каримовнинг Хитой клуби сафида ижара асосида тўп тепиши аниқ бўлди.
Ўз иқтидори билан ёшлар терма жамоаси сафида кўзга ташланган Каримов жаҳон чемпионатида ўйнаб, тўп киритганини мухлислар яхши эслашади. "Шайхонтоҳур" ва "Қизилқум"даги фаолиятидан сўнг Шерзод "Пахтакор" таркибига келиб қўшилган. Жамоадаги дебютини гол билан бошлаган қанот ярим ҳимоячиси клубда ўтказган йиллари давомида халқаро ўйинларда ҳам ўзини кўрсата олди.
Уни анчадан буён хориж клублари кузатувга олишганди. Хитой Суперлигаси қатнашчиси "Циндао Жонун" Каримовни бир мавсумга ижарага олиш учун шартнома таклиф қилди. Натижада Шерзод фаолиятини Хитойда давом эттирадиган бўлди.
"Биз ҳамиша ёшларга ишонч бериб, уларни асосий таркиб футболчиларига айлантириб борамиз. Уларга хориж клубларидан таклифлар тушса, ўша таклиф футболчи ва клуб учун фойдали бўлган тақдирда уларнинг ўша жамоаларга кўчиб ўтишига тўсқинлик қилмаймиз. Бу сафар ҳам шундай бўлди. Шерзод "Пахтакор" сафида кўплаб учрашувларда ўзини кўрсатди. Унга "Циндао" клубидан таклиф тушганда унинг бу борадаги фикрини тингладик. Ва унинг Хитойда бир мавсум ижара асосида тўп тепишига клублар келишиб олди. Биз жамоа номидан Шерзодга Хитойдаги фаолиятида омад тилаймиз", - дейди, "Пахтакор" ФК спорт директори Григорий Цейтлин.
Шерзод Каримов ҳозиргача олий лига беллашувларида 94 ўйинда майдонга тушиб, 13 гол муаллифи бўлганди.
darakchi.uz
|
|
Категория: Sport yangiliklari |
Просмотров: 703 |
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
|
|
