Главная » 2013 » Aprel » 22 » Озодбек Назарбеков рафиқасига бағишланган қўшиқ клипига Шаҳзодани таклиф қилди
22:26
Озодбек Назарбеков рафиқасига бағишланган қўшиқ клипига Шаҳзодани таклиф қилди
Ўзбекистон халқ артисти Озодбек Назарбековнинг янги қўшиқларидан бирига видеоклип суратга олинмоқда.
Ушбу тарона хонанданинг яқинда бўлиб ўтган концерт дастурида биринчи марта ижро этилган эди. "Интизорим" қўшиғини ижро этишдан олдин Назарбеков залдаги томошабинларга қарата шундай деди:
- "Ҳозир сизга тақдим этмоқчи бўлган янги қўшиғим мен учун алоҳида аҳамиятга эга. Чунки касбимиз тақозоси билан уйда кам бўламиз. Умримиз сафарларда, йўлда ўтади. Аёлимиз бўлса уйда қадамимизга интизор бўлиб, бизни кутиб ўтиради. Бу қўшиқ кўнглимдаги туғёнларимни ўзида жам этган".
Эслатиб ўтамиз, "Интизорим" қўшиғига тасвирга олинаётган клипда бош қаҳрамонлардан бирини хонанда ШАҲЗОДА талқин этмоқда. Маълум бўлишича Озодбек Шаҳзодани ўз клипига анча аввал таклиф этган, бироқ бу режа амалга ошмай қолганди. Шаҳзода ўшанда банд бўлгани боис, "Сарсон" номли қўшиқ клипига Райҳон Уласенова таклиф қилинган. Бироқ, Озодбек Шаҳзода билан бир клипда чиқишни жуда истаган шекилли, уни яна бир таклиф қилди. Клипда концертдан парчалар ҳам жой олади, деб ёзади хонаданинг расмий сайти.
