Главная » 2013 » Yanvar » 23 » Озарбойжонликлар ўзбек тоамларига "касал" бўлишди
20:55
Озарбойжонликлар ўзбек тоамларига "касал" бўлишди
Озарбойжон пойтахти Боку шаҳридаги "Зайтун" ресторанида ўзбек миллий ошхонаси ҳафталиги бўлиб ўтди. Тадбир Ўзбекистоннинг Озарбойжондаги элчихонаси томонидан ташкил этилди. "Жахон" ААнинг хабар беришча, тадбирда маҳоратли ошпаз Камолжон Тоғаев иштирок этди. Камолжон ошпаз Ўзбекистон ошпазлар уюшмаси тавсиясиБокуга билан таклиф қилинди. Бир ҳафта давомида ресторанган ташриф буюрган меҳмонлар нафақат ўзбек миллий таомларидан тановвул қилишди, балки уларнинг тайёрланиш жараёнини бевосита кузатиш ҳамда бу борада ошпазнинг маслаҳатларини олиш имконига эга бўлишди. Тадбир доирасида маҳаллий журналистларнинг таклифи билан ўзбекистонлик ошпаз «Lider» ва «Hazar» телеканалларида ҳам маҳорат дарсларини ўтказди. Мазкур тадбир доирасида шунингдек ўзбек халқ-амалий санъати усталарининг маҳсулотлари кўргазмаси бўлиб ўтди. "Зайтун” ресторани бош маъмури Шамил Саидов ўзбек миллий ошхонаси хақидаги таасуротлари билан ўртоқлашар экан, ушбу лойиҳанинг муваффақият қозонишига асло иккиланмаганини, аксинча унга шу қадар қизиқиш кучли бўлишини кутмаганлигини таъкидлади. Унинг айтишича кўпчилик меҳмонлар ўзбек таомлари билан яқиндан танишиш мақсадида тадбирнинг ҳар бир кунида фаол иштирок этишган.
