(So'ngi qism)
Жахлига эрк берган угил кандай килиб болтани хавога кураргани-ю, отасига ташлаганини узи хам сезмай колди. Зум утмай, болтанинг уткир тиги хали-хамон алжираб, нималардир деб сукинаётган отанинг бошига келиб тушди. Умидбек иккинчи маротаба болтани хавога кутарганида, онаси додлаганча узини отаси устига ташлади. Бирок, хавога силкинган темир куролни тухтатиб колишга Умидбек шахт йук эди. Унинг иккинчи зарбаси онасининг билагини хам тилиб утди. Уйда дод-вой, гала-гувур бошланди. Онаси, икки опаси Умидбекнинг кулига ёпишди, бирок уларнинг зор какшаб тармашишлари кутирган шердек укираётган углини тухтатиб колишдан ожиз эди. Умидбек аламидан чиккунича отасини урди ва кейин болтани отиб юбориб, индамай кучага чикиб кетди.
Икки киз ва она бошидан кон кетаётган Ихтиёрни у ёкка судради, бу ёкка судради булмади. Унинг улиб колишидан куркиб, кариндош-уругларга телефон килиб чакиришди. Шу орада кизлардан бири "Тез ёрдам"га хам кунгирок килди. Зум утмай "Тез ёрдам" етиб келди. Аммо бу вактда Ихтиёр Бахриев хаёт билан видолашиб булганди. Отасининг котилига айланиб, падаркуш деган тамгани уз пешанасига босиб олган Умидбек эса, ИИБ ходимлари кучанинг узидаёк ушлаб, кулига кишан солишди. Тергов давомида котиллик жинояти содир этган Умидбек Бахриев хам, гувох сифатида сурок килинган мархум Ихтиёр Бахриевнинг хотини ва кизлари, шунингдек, бошка гувохлар хам бири мархумни, бири эса уз отасининг котилига айланган падаркуш бу ишда айблаб, гувохлик беришди.
Бирок, барча гувохларнинг гапини умумлаштириб турган бир жихат бор эдики, бу оиладаги нотинчлик эди. Ота-бола, эр-хотин уртасидаги жанжал шу жиноятни келтириб чикарди. Окибат эса ана шундай тугади...
Эндигина йигирма ёшга кирган йигит котилликка кул урди. Янаям ачинарлиси, у уз падари бузрукворининг хаётига зомин булди. Унинг кули уз отасининг кони билан булганди. Албатта, бу борада Умидбекнинг килмишини хеч бир важ, хеч бир сабаб билан оклаб булмайди. Бирок, мархум Ихтиёр Бахриевнинг килмиши хам уйга толдиради кишини. Нахотки, 13 йил бошка мамлакатда, болаларидан олисда юриб, калби, мехри хам оиласидан узоклашиб кетган булса!? Халкимизда мева уз дарахтидан узокка бориб тушмайди, деган накл бор. Эхтимол, Умидбекнинг бу даражада золимликка боришига хам ота мехри, ота тарбиясидан бебахра усганлиги сабаб булмадимикин?..
Агар Ихтиёр уз фарзандларига мехрибон булиб, болаларини яхши йулга бошлаганида, оиласида юз бераётган муаммоларга жанжал билан эмас, акл билан йул топганида, нафакат уз умри завол топмган, балки жигарпораси булган угли хам котилга айланиб, навкирон умрини тикан симлар ортида хазон килмаган буларди-ку. Афсус, мехр-окибатдан мосуво бу оила шу тарика гам-гуссалар гирдобида колди.
|
