Бугун Осиё Чемпионлар лигаси-2013 мусобақасининг нимчорак - 1/8 финал дастлабки учрашувларига старт берилади.
Жумладан Тошкентнинг "Бунёдкор" жамоаси сафарда Таиланднинг "Бурирам Юнайтед" меҳмони бўлади. Учрашув Тошкент вақти билан соат 16:00да бошланади.
Бурирам Юнайтед” – "Бунёдкор” учрашуви олдидан ташкил этилган матбуот анжуманида "Бунёдкор” устози Миржалол Қосимов журналистларнинг саволларига жавоб қайтарди.
- Рақиб ўйинини ўргандингизми? "Бурирам ҳақида нималар дея оласиз? - Албатта. "Бурирам Юнайтед” – кучли, шаклланган ва тажрибали легионерлардан ташкил топган жамоа. Таиландликлар бежизга гуруҳ босқичида Япония ва Хитой клубларини ортда қолдирмаган.
- "Бурирам Юнайтед”нинг қайси футболчисидан чўчияпсиз? Фикрингизча, рақиб эртанги баҳсда қандай тактика қўллайди? - Кўпроқ об-ҳаводан хавфсираяпман. Рақибга келадиган бўлсак, улар тактик жиҳатдан анчайин ақлли футбол намойиш этишади. Ҳимоядан тезлик билан қарши ҳужумга ўтишни яхши ўзлаштиришган. Шунингдек, стандарт вазиятларидан унумли фойдаланади. 2-рақамли ўйинчи стандартларни яхши бажаради.
- Баҳсда қайси шогирдингизга кўпроқ умид боғлагансиз? - Мен айнан бир футболчига эмас, балки бутун жамоага ишонаман.
- Гуруҳ босқичида тўртта дуранг қайд этдингиз. Эртага ҳам Сизни ушбу натижа қониқтирадими? - Сафардаги дуранг ёмон натижа эмас. Бироқ биз максимал натижа учун ҳаракат қиламиз.
- "Бурирам Юнайтед” сафида икки футболчи ўйнай олмайди. Бу ўйинчиларнинг йўқлиги "Бурирам Юнайтед”га салбий таъсир ўтказади, деб ўйлайсизми? - Футбол – жамоавий ўйин. Сафдан чиққанлар ўрнини бошқа жамоадошлари тўлдирса керак. Дисквалификация қилинган "Бурирам Юнайтед” аъзолари жамоа етакчилари ҳисобланишади. Ўйлайманки, рақиб захирасида улар ўрнини сездирмайдиган бошқа футболчилар топилади. Агар бундай бўлмаса, бизга яхши бўлади (кулади)...
Бугун яна учта учрашув бўлиб ўтади. Улар билан танишинг:
