Главная » 2013»May»18 » «ОДНОКЛАССНИКИ»ДА ҚОШ ҚЎЯМАН ДЕБ, КЎЗ ЧИҚАРГАНЛАР
01:43
«ОДНОКЛАССНИКИ»ДА ҚОШ ҚЎЯМАН ДЕБ, КЎЗ ЧИҚАРГАНЛАР
Ҳазрат Алишер Навоийнинг ушбу байтини кўпчилик билса керак:
Кимки бир кўнгли бузуқнинг хотирин шод айлагай,
Онча борки Каъба вайрон бўлса обод айлагай.
Кўнгли бировдан ёки бирор нимадан ранжиб, ғам-қайғу гирдобида қолган жабрдийдани хушнуд этиш, ташвишлардан боши қотган ночор одамга йўл кўрсатиб, унга ёрдам қўлини чўзиш, фойдали маслаҳат бериш эзгу иш, албатта. Умуман бировнинг мушкулини осон қилсангиз, кўмаклашсангиз, у умрбод сиздан миннатдор бўлади. Бу амал билан яхши ном қозонасиз, эл ичида обрўнгиз кўтарилади, ҳурматингиз ошади, бироқ акси бўлса-чи? Одамнинг жиғига тегадиган, номақбул ишлар билан уни асабийлаштириб, норизо этадиган безори, асаббузар инсоннинг «кўкарганини» қаерда кўргансиз? Бу тоифадагиларга ким кўнгил эшигини очиб, уларга очиқ назар билан қарайди? Албатта, ҳеч ким.
Бугунги кунда аср мўъжизаси дея эътироф этилаётган интернет ўзининг «саховатпеша»лигини кўрсатаётгани, кўпчиликка катта фойда етказиб, уларнинг мушкулини осон этаётгани сир эмас. Айниқса, ундаги турли ижтимоий тармоқлар одамларнинг ўз яқинлари ва танишлари билан мулоқотда бўлишига, тез-тез Қойибона «дийдорлашиш» ига бемисл хизмат қилаётир, бироқ баъзи инсонларнинг бу имкониятдан нотўғри фойдаланишаётгани, «қош қўяман деб кўз чиқаришаётгани» кишини ранжитмай қўймаяпти…[www.JPG.uz -Saytdan olindi]
Яқинда уйланганига ҳали ой тўлмаган ўртоғимни учратиб қолдим. Кайфиятсиз, асабий ҳолда эди. У камдан-кам ҳолда бунақа аҳволда юрарди. Хотини билан орасидан гап ўтганмикан, деб гумонсирай бошлагандим, ўзи ҳақиқатни ошкор қилиб қўя қолди:
- Синглим жуда интернетга ишқивоз-да, «Одноклассники»даги профили фотогалереясига хотиним иккимизнинг тўйдаги расмларимизни жойлаштирибди. Бугун билдим, бир ҳафта бўлган экан. Мен бунақа нарсаларни ёқтирмайман, нима кераги бор оила сирларини ҳаммага достон қилиб ёйишни?!»
Ўртоғимнинг эндигина ўрта мактабни тугаллаган синглиси балки барча йигит-қизлар мана шундай келин-куёв бўлсин, ҳаммани тўйга етказсин, дея эзгу мақсадда ўз ака-янгасининг расмларини интернетга жойлагандир? Бундай олиб қараганда бу ишда ёвуз ният йўқ, аммо шундай бўлса-да, сингил бу ишни амалга оширишдан аввал акадан розилик олиши, у кўнгандагина бажариши лозим эди. Шунда содир бўлиши мумкин бўлган можаро, асаббузарликнинг олди олинган бўлар эди. Суратлар интернетда тарқалиб кетса, одамлар ундан қандай мақсадларда фойдаланади? Дўстимнинг ҳадиги шундан эди…
Яна шу мавзуга дахлдор мисол. Ижтимоий тармоқлардан бири «mail.ru agent» га аъзо бўлган ўсмир ёшидаги бир қиз асосий расм қўйилиши керак бўлган жойга ўзининг эмас, балки нотаниш, умуман етти ёт бегона аёлнинг суратини жойлаштиради (жуда гўзал бўлгани учун) ва бир мунча вақт ундан фойдаланади. Кунларнинг бирида эса ушбу суврат эгаси бу қаллобликдан хабар топиб, «жиноятчини» жазолаш учун судга ариза беради. Табиийки, бир дона сувратдан унинг эгасидан сўровсиз фойдалангани учун қиз «яхшигина» жарима тўлашга мажбур бўлади.[www.JPG.uz -Saytdan olindi]
Агар бисотимиздаги бирор нарсамиз (айниқса, қимматбаҳо буюм) йўқолса ёки ўҚирлатиб қўйсак қанчалар куюнамиз, кайфиятимиз тушади, асабийлашамиз, гоҳо саломатлигимиз ҳам ёмонлашади. Тўғри, сурат тилла нархда баҳоланмайди. Моддий тарафдан қаралганда, унинг чақачалик аҳамияти йўқ. Аммо маънавий нуқтаи назардан қаралганда… қадр-қиммат, номус, орият, андиша каби халқимизга хос хислатлар борки, булар ҳар қандай қимматбаҳо буюмлардан ҳам, мол-дунёдан ҳам афзалдир. Ўзини ҳурмат қиладиган ва қадрлайдиган инсон ҳамма вақт обрўсини сақлашга, мавқеини юксалтиришга уринади. Камситилиш ва ҳақоратларга қараб турмайди. Тасаввур қилинг, сизнинг ҳам суратингиз бирор-бир интернет сайтига жойлаштирилди. Қандай аҳволга тушасиз? Эзгу ниятда бўлган тақдирда ҳам буни ҳазм қилишингиз қийин, тўғрими? Аввало, ҳар кимнинг инсофини берсин. Кўнгли пок, фикри тоза, ният ва мақсади эзгу бўлган инсонлар ҳеч қачон ғаразли иш қилмайдилар. Бироқ ҳаммамиз ҳам хом сут эмган бандалармиз, доим етти ўлчаб, бир кесмаймиз. Бировни ранжитишдан, кўнглига озор етказишдан осони йўқ. Шундай пайтлар бўладики, бировнинг кўнглини олиш, хурсанд қилиш мақсадида амалга оширадиган ишимиз, ногаҳон уни ранжитади. Шунинг учун аввал етти ўлчаб, бир кесиш керак.
