Главная » 2013»Fevral»8 » Одил Аҳмедов: Бизни қўллаганлари учун терма жамоа мухлисларига раҳмат!
23:06
Одил Аҳмедов: Бизни қўллаганлари учун терма жамоа мухлисларига раҳмат!
Ўзбекистон терма жамоаси ва "Анжи" ярим ҳимоячиси Одил Аҳмедов терма жамоа ўйинлари ва мухлислар ҳақидаги фикрларини билдириб ўтди. "Мен учун терма жамоа жуда ҳам муҳим. Ҳар доим ўйинларимиз бошланишини кутиб юраман. Терма жамоа учун икки баробар куч билан ўйнашга ҳаракат қиламан. Ўзбекистонга келгач яқинларим, дўстларим ва мухлисларни кўриб жуда хурсанд бўламан. Жароҳат олиб майдонга туша олмай қолган вақтларим ҳам мухлисларнинг қўллаб қувватлашини ҳис қилиб турдим. Гонконгга қарши кечган учрашувда мухлисларнинг ҳайқириқларини эшитдим. Уларнинг барчасига раҳмат. Дуранг бўлсада, бизни чапак чалиб, олқишлаб кузатиб қўйишди. Ўтган ўйинда мухлисларнинг кайфиятини тушириб қўйдик. Кейинги учрашувларда яхши натижага эришиб, уларни хурсанд қилишга бор кучимиз билан ҳаракат қиламиз", - дейди Одил Аҳмедов.
