Главная » 2014 » Oktyabr » 23 » O‘zbekistonlik bokschi Ahror Mirolimov 28-noyabrda AQShda ringga tushadi
12:26
O‘zbekistonlik bokschi Ahror Mirolimov 28-noyabrda AQShda ringga tushadi
AQShning Xyuston shahrida professional boksdagi faoliyatini davom ettirayotgan super og‘ir vazn toifasidagi o‘zbekistonlik charm qo‘lqop ustasi Ahror Mirolimov o‘zining navbatdagi jangini 28-noyabr kuni o‘tkazishi ma’lum bo‘ldi. Bu haqda Olamsport.com xabar bermoqda. Lekin hozircha raqib nomi ma’lum emas. Foto: olamsport.com “Jang kuni ma’lum bo‘ldi. Unga ko‘ra, 28-noyabr kuni AQShning Michigan shtatida tashkil etiladigan boks oqshomida ringga ko‘tarilaman. Faqat raqib nomi hozircha ma’lum emas. Ayni paytda 28-noyabr kungi boks oqshomini tashkil etayotgan promouter Jessi Robertson bir necha bokschi bilan muzokara olib boryapti. Har qanday holatda ham jang belgilangan 28 noyabr kuni bo‘lib o‘tadi. Hozirda Xyustonda murabbiyim Ken Richardson qo‘l ostida bo‘lajak jangga tayyorgarlik ko‘ryapmiz. Bu reyting jangi bo‘ladi”, — dedi Ahror Mirolimov nashrga bergan intervyusida. Eslatib o‘tamiz, Ahror Mirolimov yaqinda WBA NABA yo‘nalishi bo‘yicha AQSh chempionligini qo‘lga kiritgan edi. U Vashington shahrida bo‘lib o‘tgan boks oqshomida ushbu kamar egasi Jeyson Bergmanni muddatidan avval nokautga uchratgandi.
