Главная » 2014 » Noyabr » 2 » O‘zbekistonda yangi Sony Xperia Z3 smartfoni2,4 million so‘mdan sotila boshlandi
19:34
O‘zbekistonda yangi Sony Xperia Z3 smartfoni2,4 million so‘mdan sotila boshlandi
3-sentabr kuni IFA 2014 ko‘rgazmasida taqdim etilgan Sony Xperia Z3 smartfoni Toshkent shahridagi “Fleshka” savdo majmuasida 2 400 000 so‘mdan sotila boshlandi. Bu haqda “Parol” nashri xabar berdi . Foto: GSMarena Sony Xperia Z3 smartfonining qalinligi 7,3 millimetr, og‘irligi esa 152 gramm. Smartfonning boshqa o‘lchamlari 146×72 millimetrni tashkil etadi. Yangi smartfon Xperia Z2 dizaynidan farqli, uning burchaklari aylana shaklida. Smartfon Xperia Z2 kabi chang va suvga chidamlilik IP68 sertifikatiga ega. Unda 5,2 dyuym 1080×1920 pikselli displey, 3 Gb tezkor va 16 yoki 32 Gb ichki xotira, 2,5 GGs chastotaga ega to‘rt yadroli protsessor, 3100 mA·soat quvvatga ega batareya, Android 4.4 KitKat operatsion tizimi o‘rnatilgan. Uning asosiy kamerasi Z2 bilan bir xil — 20,7 megapikselli. Biroq, Sony yangi smartfon kamerasi ustida yaxshi ish olib borgan va u Xperia Z2’dan ko‘ra yaxshiroq ishlab chiqilgan. Unda kattaroq Exmor RS kamera sensori o‘rnatilgan, shuningdek kengroq tasvirlarni suratga olish uchun kamera linzasi ham 25 mm kenglikka ega. Smartfonda bir vaqtning o‘zida ikkita video suratga olish uchun Face in, suratlarni tahrirlaydigan AR fun kabi dasturlar mavjud. Sony Xperia Z3’ning muhim xususiyatlaridan biri – uni Play Station 4 o‘yin qurilmasi bilan bog‘lash mumkinligidir. Buning natijasida PS4 o‘yinlarini smartfonning 5,2 dyuymli displeyida ham o‘ynayverish mumkin bo‘ladi. Shuningdek, “Parol” nashrida Sony Xperia Z3 gadjeti haqida quyidagi maqolalarni o‘qishingiz mumkin:
