Главная » 2014 » Oktyabr » 22 » O‘zbekistonda yangi Huawei Ascend P7smartfoni 1,3 million so‘mdan sotila boshlandi
22:20
O‘zbekistonda yangi Huawei Ascend P7smartfoni 1,3 million so‘mdan sotila boshlandi
Toshkent shahridagi “Fleshka” savdo majmuasida yangi Huawei Ascend P7 smartfoni sotila boshlandi. Bu haqda Mobinfo.uz ma’lumoti ga asoslanib “Parol” nashri xabar berdi . Foto: GSMarena Huawei kompaniyasining ta’kidlashicha, Ascend P7 gadjeti 4G LTE modulida ishlaydigan smartfonlar orasida eng ingichkasi. Uning dizayni undan oldingi Ascend P6 bilan bir xil, ammo o‘lchamlari bir-biridan farq qiladi. Ascend P7 smartfonida 5 dyuymli FullHD displey, 1,8 GGs chastotaga ega to‘rt yadroli protsessor, 2 Gb tezkor va kengaytirish mumkin bo‘lgan 16 Gb ichki xotira, 2500 mA·soat quvvatga ega batareya, 8 megapikselli old va 13 megapikselli orqa kamera, Android 4.4 KitKat operatsion tizimi o‘rnatilgan. Foto: GSMarena Batareyasining quvvati tinimsiz gaplashilganda 14 soatga yetadi. Uning o‘lchamlari 13,9×6,8×6,5 milimetrni, og‘irligi esa 124 grammni tashkil etadi. Ushbu smartfon 21-oktabr holatiga ko‘ra “Fleshka” savdo majmuasida 1 280 000 so‘mdan sotilmoqda. Ascend P6 smartfonini esa 960 000 so‘mga xarid qilish mumkin. Eslatib o‘tamiz, Huawei Ascend P7 smartfoni O‘zbekistonda sotilayotgan kam sonli 4G modulida ishlaydigan qurilmalar qatoridan o‘rin olgan. Shuningdek, u zo‘r selfi suratlar oladigan smartfonlar orasida ham mavjud.